Oppenheimer OTT: మరికొన్ని గంటల్లో ఓటీటీలో 7 ఆస్కార్ అవార్డులు గెల్చుకున్న ఓపెన్ హైమర్.. ఎక్కడ చూడొచ్చంటే?
ఈ ఏడాది ఆస్కార్స్‌లో ఏడు అవార్డులను గెలుచుకున్న ' ఓపెన్‌హైమర్ ' చిత్రం మరికొన్ని గంటల్లో డిజిటల్ స్ట్రీమింగ్ కు రానుంది. ప్రపంచంలోని అత్యుత్తమ దర్శకుల్లో ఒకరైన క్రిస్టోఫర్ నోలన్ తెరకెక్కించిన ఈ బ్లాక్ బస్టర్ మూవీ ఈరోజు అర్ధరాత్రి నుంచే ఓటీటీలో ప్రత్యక్షం కానుంది
ఈ ఏడాది ఆస్కార్స్‌లో ఏడు అవార్డులను గెలుచుకున్న ‘ ఓపెన్‌హైమర్ ‘ చిత్రం మరికొన్ని గంటల్లో డిజిటల్ స్ట్రీమింగ్ కు రానుంది. ప్రపంచంలోని అత్యుత్తమ దర్శకుల్లో ఒకరైన క్రిస్టోఫర్ నోలన్ తెరకెక్కించిన ఈ బ్లాక్ బస్టర్ మూవీ ఈరోజు అర్ధరాత్రి నుంచే ఓటీటీలో ప్రత్యక్షం కానుంది. ఇందులో కిలియన్ మర్ఫీ, రాబర్ట్ డౌనీ జూనియర్, ఎమిలీ బ్లంట్, మాట్ డామన్, ఫ్లోరెన్స్ పగ్ తదితరులు ప్రధాన పాత్రలు పోషించారు. రెండవ ప్రపంచ యుద్ధంలో అణు బాంబును రూపొందించడంలో ముఖ్యమైన పాత్ర పోషించిన అమెరికన్ భౌతిక శాస్త్రవేత్త జె. రాబర్ట్ ఓపెన్‌హైమర్ జీవిత కథ ఆధారంగా ఈ సినిమాను తెరకెక్కించారు క్రిస్టోఫర్ నోలన్. ఇందులో ఓపెన్‌హైమర్‌గా సిలియన్ మర్ఫీ అద్భుతమైన నటనను ప్రదర్శించాడు. తన నటనకు గానూ ఉత్తమ నటుడిగా ఏకంగా ఆస్కార్ పురస్కారం కూడా అందుకున్నాడు. ఈ సినిమా గతేడాది జూన్‌లో థియేటర్లలో విడుదలై బాక్సాఫీస్ వద్ద భారీ విజయాన్ని అందుకుంది. ఇక 96వ అకాడమీ అవార్డులు ఉత్తమ ఎడిటింగ్, ఉత్తమ నేపథ్య సంగీతం, ఉత్తమ సినిమాటోగ్రఫీ, ఉత్తమ నటుడు, ఉత్తమ సహాయ నటుడు, ఉత్తమ దర్శకుడు విభాగాలతో సహా మొత్తం ఏడు ఆస్కార్ అవార్డులు ఓపెన్ హైమర్ కు వచ్చాయి.
అంతకు ముందు గోల్డెన్ గ్లోబ్స్‌లో బెస్ట్ డ్రామా మోషన్ పిక్చర్, బెస్ట్ డైరెక్టర్ ఆఫ్ మోషన్ పిక్చర్, బెస్ట్ యాక్టర్ డ్రామా ఇన్ ఎ మోషన్ పిక్చర్‌తో సహా 8 అవార్డులను గెలుచుకుంది. అలాగే BAFTA ఫిల్మ్ అవార్డ్స్‌లో ఉత్తమ చిత్రం, ఉత్తమ దర్శకుడితో సహా ఏడు పురస్కారాలు సాధించింది. అదనంగా ఎనిమిది విభాగాలలో 2024 క్రిటిక్స్ ఛాయిస్ అవార్డులను గెలుచుకుంది. ఈ సినిమాలో క్రిస్టోఫర్ నోలన్ కథాంశం. ఫ్లోరెన్స్ పగ్, రాబర్ట్ డౌనీ జూనియర్, గ్యారీ ఓల్డ్‌మన్, రామి మాలెక్, కెన్నెత్ బ్రనాగ్ అభినయం ప్రేక్షకులను మంత్రముగ్ధులను చేసింది.
జియో సినిమాలో స్ట్రీమింగ్..
Witness brilliance & tragedy intertwine on the grand canvas of history.
Oppenheimer streaming exclusively on #JioCinema March 21 onwards.
Available in English & Hindi.#OppenheimerOnJioCinema #PeacockHubOnJioCinema pic.twitter.com/DxOg9a6R3u
— JioCinema (@JioCinema) March 20, 2024
కాగా ‘ఓపెన్‌హైమర్’ సినిమా గతంలో అమెజాన్ ప్రైమ్‌ ఓటీటీలో విడుదలైంది. కానీ అక్కడ ఉచితంగా వీక్షించే అవకాశం లేదు. అద్దె ప్రాతిపదికన అంటే డబ్బులు చెల్లించి చూడాల్సిందే. పైగా కేవలం ఇంగ్లిష్ వెర్షన్ మాత్రమే అందుబాటులో ఉంది. అయితే ఇప్పుడు మరో ఓటీటీ ప్లాట్ ఫామ్‌ జియో సినిమా లో ఓపెన్ హైమర్ స్ట్రీమింగ్ కానుంది. ఇక్కడ ఉచితంగా చూసే అవకాశం ఉంది. అయితే ప్రస్తుతం కేవలం ఇంగ్లిష్, హిందీ వెర్షన్లు మాత్రమే అందుబాటులోకి తీసుకొస్తున్నట్లు తెలిపింది జియో సినిమా. త్వరలోనే తెలుగు వెర్షన్ కూడా అందుబాటులోకి వచ్చే ఛాన్స్ ఉంది.
A new world order beckons! Brace yourself for Christopher Nolan’s cinematic masterwork.
Oppenheimer streaming on #JioCinema March 21 onwards.
Available in English & Hindi.#OppenheimerOnJioCinema #PeacockHubOnJioCinema#Oppenheimer pic.twitter.com/L7VkdcSMTY
— JioCinema (@JioCinema) March 18, 2024
మరిన్ని సినిమా వార్తల కోసం ఇక్కడ క్లిక్ చేయండి.
