మహేష్‌ ఖాతాలో మరో రికార్డు.. తొలి సినిమా సూపర్‌స్టార్‌దే..!

సూపర్‌స్టార్ మహేష్‌ బాబు ఖాతాలో మరో రికార్డు నమోదుకాబోతోంది. ఆయన నటించిన ‘శ్రీమంతుడు’ యూట్యూబ్‌లో దూసుకుపోతుండగా.. 100మిలియన్‌ వ్యూస్‌కు దగ్గర్లో ఉంది. ఇప్పటివరకు ఈ సినిమాకు 99,311,775 వ్యూస్‌ వచ్చాయి. అతి త్వరలోనే ఈ మూవీకి 100 మిలియన్ వ్యూస్ రానున్నాయి. దీంతో టాలీవుడ్‌లోనే 100 మిలియన్లను సాధించిన మొదటి చిత్రంగా శ్రీమంతుడు నిలవనుంది.

తన తండ్రి నుంచి వ్యాపార సామ్రాజ్యాన్ని వారసత్వంగా పొందిన యువకుడి కథ నేపథ్యంలో ఈ సినిమాను కొరటాల శివ తెరకెక్కించారు. ఆ యువకుడు తన తండ్రి సొంతూరి గురించి తెలుసుకోవడం., అక్కడకు వెళ్లడం.. గ్రామాన్ని దత్తత తీసుకోవడం,.. అక్కడి పరిస్థితులను మార్చేయడం కథాంశంగా ఈ మూవీ తెరకెక్కింది. శ్రుతీ హాసన్‌ హీరోయిన్‌గా నటించిన ఈ చిత్రంలో జగపతి బాబు, రాజేంద్ర ప్రసాద్, తులసి, సితార, సుకన్య, వెన్నెల కిశోర్‌ తదితరులు కీలక పాత్రల్లో కనిపించారు. మైత్రీ మూవీ మేకర్స్‌ నిర్మించిన ఈ చిత్రానికి దేవీ శ్రీ ప్రసాద్ సంగీతం అందించారు. 2015లో వచ్చిన ఈ చిత్రం అప్పట్లో పెద్ద విజయాన్ని సాధించింది. ఇక ఈ మూవీ తరువాత నిజ జీవింతంలోనూ తన తండ్రి గ్రామం బుర్రిపాలెంను దత్తత తీసుకున్న మహేష్‌.. అక్కడ పలు అభివృద్ధి కార్యక్రమాలను చేపట్టారు. అంతేకాదు ఈ మూవీ తరువాత పలువురు ప్రముఖులు కూడా గ్రామాలను దత్తత తీసుకున్నారు.

Read This Story Also: ఎన్టీఆర్, చెర్రీ కాంబోలో మరో మల్టీస్టారర్.. డైరక్టర్ ఎవరంటే..!