సారీ పూరి..నువ్వే నన్ను సూపర్‌స్టార్‌ని చేశావ్- మహేష్‌ ట్వీట్

వంశీ పైడిపల్లి దర్శకత్వంలో మహేష్ బాబు హీరోగా నటించిన ‘మహర్షి’ సినిమా ప్రీ రిలీజ్ ఈవెంట్ ఈ బుధవారం హైదరాబాద్‌లో ఘనంగా జరిగింది. ఈ వేడుకకు టాలీవుడ్ సీనియర్ హీరో వెంకటేష్‌తో పాటు, క్రేజీ హీరో విజయ్ దేవరకొండ ముఖ్య అతిథులుగా హాజరై సందడి చేసారు. ‘మహర్షి’ ఈనెల 9న ప్రపంచ వ్యాప్తంగా విడుదల కానుంది. హీరోగా మహేష్ బాబుకు ఇది 25వ సినిమా. అంతేకాదు ఈ సినిమాను వైజయంతి మూవీస్,శ్రీ వేంకటేశ్వర క్రియేషన్స్, పీవీపీ సినిమా బ్యానర్‌లు సంయుక్తంగా అత్యంత ప్రతిష్ఠాత్మకంగా నిర్మించాయి. మహేష్ బాబు సరసన పూజా హెగ్డే హీరోయిన్‌గా నటించిన ఈ సినిమాలో అల్లరి నరేష్ ముఖ్యపాత్రలో నటిస్తున్నాడు.

ప్రి రిలీజ్ వేడుకలో మాట్లాడిన మహేష్ బాబు ..తన కెరీర్‌లో మెమరబుల్‌గా నిలిచిపోయిన చిత్రాల గురించి ప్రస్తావించడం హాట్ టాపిక్‌గా మారింది. ముఖ్యంగా ‘రాజకుమారుడు’, ‘ఒక్కడు’, ‘అతడు’, ‘శ్రీమంతుడు’,‘భరత్ అను నేను’ సినిమాల గురించి చెప్పిన మహేష్ బాబు.. పూరీ జగన్నాథ్ దర్శకత్వంలో తెరకెక్కిన ‘పోకిరి’ సినిమా గురించి ప్రస్తావించక పోవడం అభిమానులకు ఆశ్చర్యానికి గురిచేసింది. అంతేకాదు మహేష్‌కు మరో బ్లాక్‌బాస్టర్ సినిమా బిజినెస్‌మ్యాన్‌ని ఇచ్చింది కూడా పూరినే. సూపర్ స్టార్ అయినా ఈ మధ్య ఆడియెన్స్ అస్సలు పట్టించుకోవడం లేదు. తేడా వస్తే విపరీతంగా ట్రోల్ చేస్తున్నారు. మహేష్ విషయంలో కూడా అదే జరిగింది. నిజానికి మహేష్ బాబును సూపర్ స్టార్‌ను చేసిన చిత్రం ‘పోకిరి’. ఆ తర్వాత మహేష్ తప్పు తెలుసుకున్నాడు.

వెంటనే స్పందించి.. ట్విట్టర్ వేదికగా పూరీకి క్షమాపణ చెప్పాడు. ‘ఇవాళ నా స్పీచ్‌లో ఇంపార్టెంట్ పర్సన్ పేరు చెప్పడం మర్చిపోయాను. పోకిరి నన్ను సూపర్ స్టా‌ర్‌ని చేసింది. పోకిరిలాంటి సినిమా ఇచ్చినందుకు థ్యాంక్యూ సో మచ్ పూరీ.. ఈ సినిమా నాకెప్పటికీ గుర్తుండిపోతుంది’ అని ట్వీట్ చేసాడు మహేష్.. ‘థ్యాంక్యూ సో మచ్ సార్, ఆల్వేస్ లవ్ యూ, మహర్షి ట్రైలర్ ఈజ్ రాకింగ్’.. అంటూ, మహేష్ ట్వీట్‌కి రిప్లై ఇచ్చాడు పూరీ జగన్నాథ్.

Thank you so much sir . Always love youuuuuuuuuu . Maharshi trailer is rocking??? https://t.co/UpxJnUddsn

— PURIJAGAN (@purijagan) May 1, 2019