‘RRR’ మూవీ థియేట్రిక‌ల్ హక్కులను సొంతం చేసుకున్న లైకా ప్రొడక్షన్స్.. ధర ఎంతో తెలిస్తే షాక్ అవ్వాల్సిందే..

మెగా హీరో రామ్ చరణ్, యంగ్ టైగర్ ఎన్టీఆర్ ప్రధాన పాత్రల్లో పాన్ ఇండియా లెవెల్లో తెరకెక్కుతున్న చిత్రం ‘ఆర్ఆర్ఆర్’. దర్శకధీరుడు రాజమౌళీ ఈ సినిమాకు రూపొందిస్తున్నారు.

Rajitha Chanti |
Updated on: Feb 17, 2021 | 7:20 PM

మెగా హీరో రామ్ చరణ్, యంగ్ టైగర్ ఎన్టీఆర్ ప్రధాన పాత్రల్లో పాన్ ఇండియా లెవెల్లో తెరకెక్కుతున్న చిత్రం ‘ఆర్ఆర్ఆర్’. దర్శకధీరుడు రాజమౌళీ ఈ సినిమాకు రూపొందిస్తున్నారు. దాదాపు నాలుగు వందల యాబై కోట్ల భారీ బడ్జెట్‏తో ఈ మూవీ తెరకెక్కుతుంది. ఆరంభం నుంచే ఈ సినిమాపై అంచనాలు భారీగానే ఉన్నాయి. ఇప్పటికే విడుదలై ఈ మూవీ పోస్టర్స్ బిజినెస్ కూడా దూసుకుపోతుంది. అందుకు తగినట్లే ఈ మూవీ రైట్స్ కూడా రికార్డు స్థాయిలో పలుకుతున్నట్లుగా సమాచారం.

ఈ క్రమంలో ‘ఆర్ఆర్ఆర్’ థియేట్రిక‌ల్ తమిళ హ‌క్కుల‌ను ప్రముఖ నిర్మాణ సంస్థ లైకా రూ.45 కోట్లకు దక్కించుకున్నట్లుగా సమాచారం. తమిళనాడులో రాజమౌళి సినిమాలకు క్రేజ్ ఎక్కువగా ఉండడం వల్లే లైకా ప్రొడక్షన్స్ ఇంత పెద్ద మొత్తంతో కొనుగోలు చేసినట్లుగా తెలుస్తోంది. ఇప్పటికే ఈ సంస్థ సగం డబ్బును నిర్మాతలకు ఇచ్చేసిందని టాక్. ఇక ఆర్ఆర్ఆర్ తెలుగు, తమిళం, హిందీ, మలయాళ భాషల్లో 2021 అక్టోబర్ 13లో విడుదల కానుంది. పాన్ ఇండియా క‌థాంశంతో తెర‌కెక్కుతున్న ఈ చిత్రంలో రాంచ‌ర‌ణ్ అల్లూరి సీతారామ‌రాజు పాత్ర‌లో, ఎన్టీఆర్ కొమ్రం భీం పాత్ర‌లో, అలియాభ‌ట్ సీత పాత్ర‌లో న‌టిస్తున్నారు.అజ‌య్ దేవ్‌గ‌న్, శ్రియ‌, స‌ముద్రఖ‌ని ఇత‌ర కీ రోల్స్ లో క‌నిపించ‌నున్నారు. గ‌తంలో బాహుబ‌లి 2 త‌మిళ రైట్స్ కు రూ.37 కోట్లు ప‌లికాయి. ‌దీంతో పోలిస్తే మార్కెట్‏లో ఆర్ఆర్ఆర్ ప్రభంజనం ఓ రేంజ్‌లో ఉంటుంద‌నిపిస్తోంది.