Tollywood : ఒకప్పుడు స్టార్ హీరోలతో బ్లాక్ బస్టర్ హిట్స్.. ఇప్పుడు టిఫిన్ సెంటర్ నడుపుతున్న హీరోయిన్.. ఎవరంటే..

కేవలం 17 ఏళ్ల వయసులోనే సినీరంగంలోకి అడుగుపెట్టింది. మొదటి సినిమాతోనే స్టార్ హీరో సరసన ఛాన్స్ కొట్టేసింది. అందం, అభినయంతో ప్రేక్షకుల హృదయాలు కొల్లగొట్టేసింది. కానీ ఇప్పుడు ఆమె సినిమా ప్రపంచానికి దూరంగా ఉంటూ సొంతంగా టిఫిన్ సర్వీస్ నడుపుతుంది. ఇంతకీ ఆమె ఎవరు .. ? అసలు ఏం జరిగిందనే విషయాలు తెలుసుకుందామా.

Pooja Dadwal

Rajitha Chanti |
Updated on: Sep 18, 2026 | 9:22 AM

ప్రతి సంవత్సరం, చాలా మంది తమ అదృష్టాన్ని పరీక్షించుకోవడానికి ఇండస్ట్రీలోకి అడుగుపెడుతుంటారు. కొంతమందికి వెంటనే అదృష్టం కలిసివస్తుంది. దీంతో ఓవర్ నైట్ స్టార్ డమ్ సంపాదించుకుంటారు. కానీ కొంతమందికి మంచి అరంగేట్రం చేసినప్పటికీ సరైన అవకాశం లభించదు. అలాగే దశాబ్దాలుగా వరుస సినిమాలలో కనిపించినప్పటికీ ఆశించిన స్థాయిలో పాపులారిటీ రాలేదు. ఈరోజు మనం అలాంటి ఒక బాలీవుడ్ నటి గురించి తెలుసుకోబోతున్నాం. ఆమె కేవలం 17 ఏళ్ల వయసులోనే సల్మాన్ ఖాన్‌తో అరంగేట్రం చేసింది. అయినా ఆమె విజయం సాధించలేకపోయింది, ఆ తర్వాత ఆమెకు పెద్దగా అవకాశాలు రాలేదు. చివరికి, ఆమె పెళ్లి చేసుకుని పరిశ్రమను విడిచిపెట్టాలని నిర్ణయించుకుంది. ఇప్పుడు ఆమె టిఫిన్ సర్వీస్ నడుపుతూ జీవనం సాగిస్తోంది. ఆ నటి ఎవరు?

మనం మాట్లాడుకుంటున్న హీరోయిన్ పేరు పూజా దద్వాల్. ఆమె జీవితం పూర్తిగా కష్టాలతో నిండి ఉంది. పూజా దద్వాల్ కేవలం 17 ఏళ్ల వయసులో సల్మాన్ ఖాన్ సరసన ‘వీరగతి’ చిత్రంతో బాలీవుడ్‌లో అడుగుపెట్టింది. ఒక పెద్ద నటుడితో అరంగేట్రం చేయడం వల్ల తన కెరీర్‌కు మంచి ఆరంభం లభిస్తుందని ఆమె ఆశించింది. అయితే, ఆమె అంచనాలకు అనుగుణంగా ఏమీ జరగలేదు. 1995లో విడుదలైన ‘వీర్గతి’ చిత్రానికి కె. కె. సింగ్ దర్శకత్వం వహించారు. ఈ చిత్రంలో సల్మాన్ ఖాన్ సరసన పూజా దద్వాల్ కథానాయికగా కనిపించారు. అయితే, ఈ చిత్రం బాక్సాఫీస్ వద్ద ఆశించిన విజయాన్ని అందుకోలేకపోయింది. ఈ సినిమా వైఫల్యం పూజా కెరీర్‌పై కూడా ప్రభావం చూపింది. ఆమెకు బాలీవుడ్‌లో పెద్ద పాత్రలు, మంచి సినిమా అవకాశాలు లభించలేదు. ఆ తర్వాత, ఆమె బుల్లితెరపై కూడా పనిచేయడానికి ప్రయత్నించారు. ఆమె ‘ఆషిఖీ’, ‘ఘరానా’ వంటి సీరియల్స్‌లో నటించారు.

ఎక్కువ మంది చదివినవి : Tollywood : తొలి సూపర్ స్టార్ కమెడియన్.. ఖరీదైన కారులో ప్రయాణించి.. 44 ఏళ్ళ వయసులోనే రైల్వే స్టేషన్ రోడ్డు మీద అనాథలా..

ఆమె వివాహం చేసుకుని గోవాలో నివసించడానికి ముంబైని విడిచిపెట్టింది. గోవాలో, ఆమె తన భర్తతో కలిసి ఒక వ్యాపారాన్ని ప్రారంభించింది. ఇద్దరూ కలిసి ఒక క్యాసినోను నడపడం మొదలుపెట్టారు. అయితే, ఆమె జీవితంలోని ఈ దశ ఆమెకు అంత సంతోషకరంగా గడవలేదు. 2018లో, పూజా దద్వాల్‌కు క్షయ వంటి తీవ్రమైన వ్యాధి ఉన్నట్లు నిర్ధారణ అయింది. ఆమె ఆరోగ్యం రోజురోజుకు క్షీణించింది. కష్టకాలంలో ఆమె భర్త, అత్తమామలు కూడా ఆమెను విడిచిపెట్టారు. పరిస్థితి మరింత దిగజారడంతో, పూజా గోవా నుండి ముంబైకి తిరిగి వచ్చింది. ముంబైలో, ఆమె శ్రేయోభిలాషులలో ఒకరు ఆమెను ప్రభుత్వ ఆసుపత్రిలో చేర్పించారు. అయితే, ఆమె చికిత్స పొందుతున్న సమయంలో కూడా, ఆర్థిక ఇబ్బందులు కొనసాగాయి. అయితే పూజా పరిస్థితి తెలిసి సల్మాన్ సైతం చికిత్సకు డబ్బులు అందించారు. చివరగా చికిత్స తర్వాత కోలుకున్న పూజా.. ప్రస్తుతం దర్శకుడు రాజేంద్ర సింగ్ సహయంతో టిఫిన్ సర్వీస్ ప్రారంభించింది. ఆమె స్వయంగా ఆహారాన్ని తయారు చేసి ప్రజల ఇళ్లకు అందిస్తోంది. ఆమె తన సొంత కష్టంతోనే జీవనోపాధి పొందుతోంది.

ఎక్కువ మంది చదివినవి : K. Raghavendra Rao : నా జీవితంలో ఇప్పటికీ ఎప్పటికీ మర్చిపోలేని సాంగ్ అది.. తెలుగు చరిత్రలో ఒక గొప్ప మైలురాయి.. రాఘవేంద్రరావు..