నాని డైరెక్టర్ తో కళ్యాణ్ రామ్

‘118’ చిత్రంతో మంచి సక్సెస్ అందుకున్నాడు నందమూరి కళ్యాణ్ రామ్. ఇక ప్రస్తుతం నూతన దర్శకుడు వేణు మల్లిడి దర్శకత్వంలో ‘తుగ్లక్’ అనే సినిమా చేస్తున్న కళ్యాణ్ రామ్ మరో సినిమాకు గ్రీన్ సిగ్నల్ ఇచ్చినట్లు తెలుస్తోంది. ‘ఉయ్యాలా జంపాల’, ‘మజ్ను’ లాంటి ఎంటర్టైనర్స్ ను తెరకెక్కించిన విరించి వర్మ డైరెక్షన్ లో ఈ సినిమా ఉండబోతున్నట్లు తెలుస్తోంది.

డైరెక్టర్ విరించి వర్మ, కళ్యాణ్ రామ్ కోసం ఒక మంచి కథను సిద్ధం చేసినట్లు తెలుస్తోంది. మేలో సినిమా షూటింగ్ ను మొదలు పెట్టాలని చూస్తున్నాడట. అయితే ఈ సినిమా పల్లెటూరి నేపథ్యంలో సాగతుందని సమాచారం. త్వరలోనే ఈ విషయాన్ని అధికారకంగా ప్రకటించనుంది చిత్ర యూనిట్.