Kalki 2898 AD: ప్రమోషన్స్‌లో సరికొత్త ట్రెండ్‌కి తెర తీసిన కల్కి టీమ్‌.. దేశవ్యాప్తంగా.

కల్కి సినిమా విడుదల కోసం.. కేవలం తెలుగు ప్రేక్షకులే కాకుండా యావత్ ఇండియన్ సినిమా వేయి కళ్లతో ఎదురుచూస్తోంది. వెండి తెరపై ఎప్పుడెప్పుడు ఈ విజువల్‌ ట్రీట్‌ను ఎంజాయ్‌ చేద్దామా అని ఆసక్తితో ఉన్నారు. జూన్‌ 27వ తేదీన కల్కి ప్రేక్షకుల ముందుకు రానుంది. ఇప్పటికే ఈ సినిమాకు సంబంధించి విడుదలైన ట్రైలర్‌ సినిమాపై ఒక్కసారిగా అంచనాలు పెంచేశాయి. ఇక సినిమా విడుదల తేదీ దగ్గరపడుతోన్న నేపథ్యంలో చిత్ర యూనిట్ ప్రమోషన్స్‌లో వేగాన్ని పెంచేసింది.

గతంలో ఎన్నడూ లేని విధనంగా సరికొత్త పంథాలో సినిమాను ప్రమోట్‌ చేస్తోంది. దేశ వ్యాప్తంగా సినిమా ప్రమోషన్స్‌ కోసం చిత్ర యూనిట్ ఒక కొత్త వ్యూహాన్ని అనుసరిస్తోంది. ఇందుకోసం కల్కి టీమ్‌ ప్రత్యేకవాహనాలను వినియోగిస్తోంది. వాహనాలకు ఎల్‌ఈడీ స్క్రీన్‌లను ఏర్పాటు చేసి దేశంలోని పలు ప్రధాన పట్టణాలు, నగరాల్లో తిప్పనున్నారు. దీనికి సంబంధించిన వివరాలను చిత్ర యూనిట్ ట్విట్టర్‌ వేదికగా అధికారికంగా ప్రకటించింది. ప్రస్తుతం ఈ ట్వీట్ నెట్టింట తెగ వైరల్‌ అవుతోంది.

The ride to spread the light across the nation kicks off! #Kalki2898AD pic.twitter.com/FSBjk8hodx

— Vyjayanthi Movies (@VyjayanthiFilms) June 13, 2024

ఇదిలా ఉంటే కల్కి సినిమా విడుదల తేదీ దగ్గరపడుతోన్న సమయంలో రికార్డుల మోత మొదలైంది. సినిమా విడుదలకు ముందే సరికొత్త రికార్డులను తిరగరాస్తోంది. ఈ క్రమంలోనే తాజాగా అమెరికా ప్రీమియర్‌ టికెట్స్‌ ప్రీ సేల్‌ బిజినెస్‌లో కల్కి దుమ్మురేపుతోంది. గతంలో ఎన్నడూ లేని విధంగా అప్పుడే మిలియన్ డాలర్ మార్క్ దాటేసింది. ఈ విషయంలో కల్కి, ట్రిపులార్‌ సినిమా రికార్డును అధిగమించడం విషయం. ఈ ప్రీమియర్‌ టికెట్స్‌ ద్వారా అభిమానులు ఒకరోజు ముందే అంటే జూన్‌ 26వ తేదీన నార్త్‌ అమెరికాలో ప్రీమియ్‌ షోలు చూడడనున్నారు.

కాగా ప్రభాస్, దీపికా పదుకొణె జంటగా నాగ అశ్విన్‌ దర్శకత్వంలో తెరకెక్కిన కల్కి మూవీలో.. అమితాబ్‌తో పాటు కమల్‌హాసన్‌, దిశాపటానీ, సస్వతా ఛటర్జీ, రాజేంద్ర ప్రసాద్, బ్రహ్మానందం కీలకపాత్రలు పోషించారు. సంతోష్ నారాయణన్ సంగీతం అందించారు. సుమారు రూ. 600 కోట్ల బడ్జెట్‌తో అత్యంత ప్రతిష్టాత్మకంగా తెరకెక్కిన ఈ సినిమా బాక్సాఫీస్‌ వద్ద ఎలాంటి వండర్స్‌ క్రియేట్ చేస్తుందో చూడాలి.

మరిన్ని సినిమా వార్తల కోసం క్లిక్ చేయండి..