బాబోయ్..! ఎన్టీఆర్‌ కారా..?

కార్తికేయ హీరోగా తాజాగా చేసిన సినిమా ‘హిప్పీ’. ఈ సినిమా 6న ప్రేక్షకుల ముందుకు రానుంది. ఈ సినిమాలో ఒక ప్రధాన పాత్రలో నటించిన ప్రముఖ నటుడు జేడీ చక్రవర్తి.. ప్రమోషన్స్‌లో తానూ భాగమయ్యాడు. ఈ సందర్భంగా మాట్లాడుతూ.. జూనియర్ ఎన్టీఆర్ అంటే తనకు చాలా ఇష్టమని, మంచి టాలెంట్ ఉన్న పర్సన్ అని అన్నారు. ఎప్పుడూ సరదాగా ఉండే వ్యక్తి.. నన్ను ఒకసారి భయానికి గురిచేశాడని అన్నారు. ఒకసారి నన్ను తన కారులో ఎక్కించుకుని, 110 కిలోమీటర్ల స్పీడ్‌తో తను కళ్లు మూసుకుని డ్రైవ్ చేస్తుంటే.. నాకు ఒళ్లంతా చెమటలు పట్టాయని, చాలా భయపడిపోయానని చెప్పారు. కారు దిగుతూ.. ఇక జన్మలో నీ కారెక్కనని చెప్పినట్టు జేడీ తెలిపారు.