చెర్రీ గురించి అవన్నీ గాసిప్‌లేనట..!
: కొరటాల శివ దర్శకత్వంలో మెగాస్టార్ చిరంజీవి నటిస్తోన్న ప్రతిష్టాత్మక చిత్రం ఆచార్య. ఇందులో రామ్ చరణ్‌ ఓ కీలక పాత్రలో కనిపించనున్న విషయం తెలిసిందే.
Updated on: Oct 05, 2020 | 5:24 PM
Ram Charan Acharya: కొరటాల శివ దర్శకత్వంలో మెగాస్టార్ చిరంజీవి నటిస్తోన్న ప్రతిష్టాత్మక చిత్రం ఆచార్య. ఇందులో రామ్ చరణ్‌ ఓ కీలక పాత్రలో కనిపించనున్న విషయం తెలిసిందే. దాదాపు అరగంటకు పైగా చెర్రీ ఈ మూవీలో కనిపించనున్నాడని సమాచారం. అంతేకాదు వీరిద్దరి కాంబోలో అదిరిపోయే సన్నివేశాలు ఉండనున్నాయని మూవీ వర్గాల ద్వారా తెలుస్తోంది. ఇదిలా ఉంటే ఈ మూవీ కోసం చెర్రీ బరువు పెరుగుతున్నట్లు ఆ మధ్యన వార్తలు వచ్చాయి.
ఆర్‌ఆర్‌ఆర్‌ కోసం ప్రస్తుతం పర్‌ఫెక్ట్‌గా ఉన్న చెర్రీ.. ఆచార్య కోసం బరువు పెరగనున్నాడని, అందుకోసం వర్కౌట్లు కూడా మొదలు పెట్టాడని పుకార్లు వినిపించాయి. అంతేకాదు ఈ విషయంలో చెర్రీ పెద్ద రిస్క్ తీసుకుంటున్నాడని టాక్ నడిచింది. అయితే చెర్రీ సన్నిహితుల సమాచారం ప్రకారం అందులో వాస్తవం లేదట. ఆచార్య కోసం చెర్రీ ప్రత్యేకంగా ఎలాంటి మేకోవర్ అవ్వట్లేదని టాక్. ఇక ఈ మూవీ షూటింగ్‌ని త్వరగా పూర్తి చేసుకోనున్న చెర్రీ.. ఆ తరువాత ఆర్‌ఆర్‌ఆర్‌లో పాల్గొనబోతున్నట్లు తెలుస్తోంది.
కాగా ఆచార్యలో చిరు సరసన కాజల్ నటిస్తోంది. సోనూసూద్‌, అజయ్‌, హిమజ తదితరులు కీలక పాత్రల్లో కనిపించనున్నారు. మ్యాట్నీ ఎంటర్‌టైన్‌మెంట్స్‌, కొణిదెల ప్రొడక్షన్స్ ఈ మూవీని సంయుక్తంగా నిర్మిస్తోన్న ఈ మూవీకి మణిశర్మ సంగీతం అందిస్తున్నారు.
Read More:
వైరల్‌ అవుతోన్న న్యాయవాది ‘వధువు’ ప్రకటన.. భిన్నంగా స్పందిస్తోన్న నెటిజన్లు
