15 ఏళ్ల తరువాత దిల్ రాజు ఆ దర్శకుడికి ఛాన్స్ ఇస్తున్నాడా..!
టాలీవుడ్లో ఉన్న సక్సెస్ఫుల్ నిర్మాతల లిస్ట్లో దిల్ రాజు మొదటి వరుసలో ఉంటారు. అటు కమర్షియల్, ఇటు లోబడ్జెట్ చిత్రాలు తీయడంలో అతడికి అతడే సాటి
Updated on: Oct 11, 2020 | 4:16 PM
Dil Raju News: టాలీవుడ్లో ఉన్న సక్సెస్ఫుల్ నిర్మాతల లిస్ట్లో దిల్ రాజు మొదటి వరుసలో ఉంటారు. అటు కమర్షియల్, ఇటు లోబడ్జెట్ చిత్రాలు తీయడంలో అతడికి అతడే సాటి. అంతేకాదు తన బ్యానర్లో దిల్ రాజు ఎంతోమంది కొత్త దర్శకులను కూడా పరిచయం చేశారు. వారిలో కొంతమంది ఇప్పుడు టాప్ డైరెక్టర్లుగా ఉన్నారు. అలా దిల్ రాజు ఇంట్రడ్యూస్ చేసిన దర్శకుల్లో బోయపాటి శ్రీను ఒకరు. భద్ర సినిమా ద్వారా బోయపాటి దర్శకుడిగా పరిచయం కాగా.. ఈ మూవీని దిల్ రాజు నిర్మించారు.
ఈ సినిమా వచ్చి 15 సంవత్సరాలు అవుతోంది. అయితే ఈ మధ్యలో ఈ కాంబోలో మరో చిత్రం రాలేదు. భద్ర తరువాత దిల్రాజు, బోయపాటి మధ్య క్లాషెస్ వచ్చాయని.. రీమేక్ రైట్స్ విషయంలో ఇద్దరి మధ్య మనస్పర్థలు వచ్చినట్లు అప్పట్లో టాక్ నడిచింది. కారణాలేవైనా వీరిద్దరి కాంబోలో ఇప్పటివరకు ఒక్క చిత్రం మాత్రమే వచ్చింది. ఇక తాజా సమాచారం ప్రకారం దిల్ రాజు- బోయపాటి మళ్లీ పనిచేయబోతున్నట్లు తెలుస్తోంది. అంతేకాదు ఈ మూవీకి సంబంధించి ఇప్పటికే దిల్ రాజు, బోయపాటికి అడ్వాన్స్ కూడా ఇచ్చినట్లు సమాచారం. ప్రస్తుతం బాలకృష్ణతో ఓ మూవీని తీస్తున్న బోయపాటి.. ఆ మూవీ తరువాత దిల్ రాజు బ్యానర్లో సినిమాను తీయబోతున్నట్లు తెలుస్తోంది. మరి ఇందులో నిజమెంతో తెలియాలంటే అధికారిక ప్రకటన వచ్చే వరకు ఆగాల్సిందే.
Read more:
