Major Movie: 26/11 అమ‌ర వీరుడు సందీప్ కృష్ణ‌న్ బ‌యోపిక్ వ‌చ్చేస్తోంది.. మేజర్ విడుద‌ల ఎప్పుడంటే..
Major Movie: దేశ వాణిజ్య రాజ‌ధాని ముంబ‌యిపై జ‌రిగిన 26/11 దాడి యావత్ దేశాన్ని ఒక్క‌సారిగా క‌లిచి వేసిన విషయం తెలిసిందే. పాకిస్తాన్ నుంచి వ‌చ్చిన కొంద‌రు ఉగ్ర‌మూక‌లు విచ‌క్ష‌ణ ర‌హితంగా దాడి చేసి...
Major Movie: దేశ వాణిజ్య రాజ‌ధాని ముంబ‌యిపై జ‌రిగిన 26/11 దాడి యావత్ దేశాన్ని ఒక్క‌సారిగా క‌లిచి వేసిన విషయం తెలిసిందే. పాకిస్తాన్ నుంచి వ‌చ్చిన కొంద‌రు ఉగ్ర‌మూక‌లు విచ‌క్ష‌ణ ర‌హితంగా దాడి చేసి ప‌లువురు అమాయ‌క ప్ర‌జ‌ల ప్రాణాల‌ను బ‌లితీసుకున్న ఘ‌ట‌న‌ను దేశం ఇప్ప‌టికీ మ‌ర్చిపోలేదు. ఈ క్ర‌మంలోనే దేశంపై జ‌రిగిన ఈ దాడిలో వీరోచితంగా పోరాడి వీర మ‌ర‌ణం పొందారు ఎన్‌ఎస్‌జీ కమాండో సందీప్ ఉన్నికృష్ణన్‌. ప్ర‌స్తుతం ఇయ‌న జీవిత క‌థ ఆధారంగానే మేజర్ అనే సినిమా తెర‌కెక్కుతోన్న విషయం తెలిసిందే.
అడివి శేష్ లీడ్ రోల్‌లో న‌టించిన ఈ చిత్రాన్ని మహేశ్‌బాబు జీఎమ్‌బీ ఎంటర్‌టైన్‌మెంట్స్, ఏ ప్లస్‌ ఎస్‌ మూవీస్, సోనీ పిక్చర్స్ నిర్మించింది. ఇక ఈ సినిమాకు శ‌శి కిర‌ణ్ తిక్క ద‌ర్శ‌క‌త్వం వ‌హిస్తున్నారు. ఇదిలా ఉంటే ఈ సినిమాపై భారీగానే అంచ‌నాలు ఉన్నాయ‌ని చెప్పాలి. నిజానికి ఈ సినిమా ఇప్ప‌టికే విడుద‌ల కావాల్సి ఉండ‌గా క‌రోనా కార‌ణంగా వాయిదా ప‌డుతూ వ‌చ్చింది. అయితే తాజాగా సినిమాను వేగంగా పూర్తి చేసే ప‌నిలో ప‌డ్డ చిత్ర యూనిట్ ఆ దిశ‌గా అడుగులు వేస్తోంది.
ఇక చిత్ర యూనిట్ తాజాగా ఈ సినిమా విడుద‌ల తేదీని ప్ర‌క‌టించింది. వ‌చ్చే ఏడాది ఫిబ్ర‌రి 11న ఈ సినిమాను విడుద‌ల చేయ‌నున్న‌ట్లు తెలిపారు. ఈ సినిమాలో సందీప్ వీరోచిత పోరాటంతో పాటు ఆయ‌న జీవితంలోని ఆస‌క్తిక‌ర‌మైన విష‌యాల‌ను కూడా ప్ర‌స్తావించ‌నున్న‌ట్లు చిత్ర యూనిట్ తెలిపింది.
Also Read: Petrol Diesel Rates: పెట్రోల్, డీజిల్ రేట్ల విషయంలో కేంద్ర ప్రభుత్వం యూటర్న్.. అసలు కారణం ఇదేనా?..
Accident: పండుగ పూట విషాదం.. ప‌టాకులు కొనేందుకు వెళ్లి నలుగురు దుర్మరణం..