పూరీ-దేవరకొండ ప్రాజెక్ట్‌కు ‘కాస్టింగ్’ కష్టాలు..?

సెన్సేషనల్ హీరో విజయ్ దేవరకొండతో డేరింగ్ అండ్ డ్యాషింగ్ డైరక్టర్ పూరీ జగన్నాథ్ ఓ చిత్రాన్ని తెరకెక్కిస్తోన్న విషయం తెలిసిందే. దీనికి ఫైటర్ అనే టైటిల్‌ను ఫైనల్ చేయాలని భావిస్తుండగా.. ఈ మూవీలో విజయ్ దేవరకొండ బాక్సర్‌గా కనిపించబోతున్నాడు. ఇక ప్రస్తుతం ప్రీ ప్రొడక్షన్ పనులను జరుపుకుంటోన్న ఈ మూవీని ఈ నెల చివర్లో సెట్స్ మీదకు తీసుకెళ్లాలని భావించారు. కానీ ఈ ప్రాజెక్ట్‌కు ఇప్పుడు ‘కాస్టింగ్’ కష్టాలు కొనసాగుతున్నట్లు ఫిలింనగర్ టాక్.

అయితే ఈ మూవీ కోసం హీరోయిన్‌గా శ్రీదేవీ తనయ జాన్వీ కపూర్‌ను సంప్రదించారు పూరీ జగన్నాథ్. కథను విన్న జాన్వీ.. ఇందులో నటించేందుకు ఓకే చెప్పిందట. అందునా విజయ్ దేవరకొండపై క్రష్ కలిగిన ఈ భామ.. అతడితో జత కట్టేందుకు వెంటనే గ్రీన్ సిగ్నల్ ఇచ్చేసిందట. కానీ ఇప్పుడు ఆమె డైరీ ఫుల్‌గా ఉంది. గుంజనా సక్సేనా, రూహీ అఫ్జా, దోస్తానా 2 చిత్రాలతో పాటు భారీ బడ్జెట్ పీరియాడిక్ డ్రామా తక్త్‌లో జాన్వీ నటించబోతోంది. వీటిలో తక్త్ మూవీ ఇంకా సెట్స్ మీదకు వెళ్లలేదు. ఇది ఎప్పుడు సెట్స్ మీదకు వెళ్తుంది అనే దానిపై ఇంకా క్లారిటీ లేదు. ఈ క్రమంలో ఫైటర్ మూవీపై జాన్వీ ఇంకా డైలమాలో ఉందట. దీంతో ఇంకా డేట్లను ఇవ్వలేదని తెలుస్తోంది.

మరోవైపు ఇందులో విజయ్ దేవరకొండకు గురువుగా రియల్ లైఫ్ బాక్సర్‌ను తీసుకోవాలనుకుంటున్నాడట పూరీ. ఈ క్రమంలో ఆయన పలువురితో సంప్రదింపులు జరుపుతున్నా.. ఇంకా ఎవ్వరూ ఫైనల్ అవ్వలేదట. ఇలా కాస్టింగ్ కష్టాలతో పూరీ కాస్త డైలమాలో ఉన్నారట. కాగా మల్టీలింగ్వువల్‌ చిత్రంగా ఫైటర్ తెరకెక్కబోతుండగా.. ఈ మూవీ నిర్మాణంలో బాలీవుడ్ దర్శకనిర్మాత కరణ్ జోహార్ కూడా పాలుపంచుకోనున్నారు.