Bollywood: షారుఖ్, అక్షయ్ కుమార్ రిజెక్ట్ చేసిన సినిమాలతో సూపర్ హిట్స్ అందుకున్న అజయ్ దేవగన్..

Akshay Shah Rukh Rejected Ajay Devgn Superhit Movies

బాలీవుడ్ సూపర్ స్టార్స్ అక్షయ్ కుమార్ , షారుఖ్ ఖాన్ 30 సంవత్సరాల కెరీర్లో అనేక గొప్ప చిత్రాల్లో నటించారు. అయితే ఈ ఇద్దరు హీరోలు కూడా తమ వద్దకు వచ్చిన అనేక సినిమాలను వివిధ కారణాలతో రిజెక్ట్ చేశారు. అవి తరువాత బ్లాక్ బస్టర్లుగా నినిలిచాయి. ఈ చిత్రాలలో కొన్ని అజయ్ దేవగన్ వద్దకు చేరుకున్నాయి. అతడిని అదృష్టం వరించింది. ఏ సినిమాలను అక్షయ్, షారుఖ్ రిజెక్ట్ చేస్తే అవి అజయ్ దేవగన్ వద్దకు చేరుకున్నాయో.. ఈరోజు తెలుసుకుందాం..

ఫూల్ ఔర్ కాంటే: అజయ్ దేవగన్ బాలీవుడ్ లో వెండి తెరపై ఫూల్ ఔర్ కాంటే సినిమాతో అడుగు పెట్టాడు. అజయ్ కెరీర్‌లో తొలి చిత్రం ‘ఫూల్ ఔర్ కాంటే’. 1991లో ఈ సినిమాలో తెరక్కిన ఈ మొదటి సినిమాతోనే స్టార్ అయ్యాడు. అయితే ఈ సినిమా మొదట అజయ్ దేవగన్ కంటే ముందే అక్షయ్ కుమార్ కు ఆఫర్ చేశారు. అయితే అక్షయ్ దానిని తిరస్కరించాడు. అప్పుడు అజయ్ దేవగన్ వద్దకు చేరుకుంది.

ఓంకార: అజయ్ కెరీర్‌లో అత్యుత్తమ చిత్రాలలో ‘ఓంకార’ ఒకటి. ఇందులో ఆయన ఓంకార అనే పాత్రను పోషించారు. అయితే 2006లో విడుదలైన ఈ చిత్రంలో అజయ్ పోషించిన పాత్ర కోసం, మొదట మనోజ్ బాజ్‌పేయిని సంప్రదించారట. మనోజ్ తిరస్కరించడంతో ఈ సినిమా అజయ్ వద్దకు చేరుకుంది.

గంగా జల్: ‘సింగం’లో అజయ్ దేవగన్ పోలీస్ పాత్ర అభిమానులకు చాలా నచ్చింది. అయితే అజయ్ ‘గంగాజల్’లో యూనిఫాం ధరించి అభిమానుల హృదయాలను గెలుచుకున్నాడు. 2003లో రిలీజైన ఈ సినిమాలో అమిత్ కుమార్ అనే పాత్రను ఆయన పోషించారు. ఈ పాత్రను మొదట అక్షయ్ కుమార్ ని చిత్ర యూనిట్ సంప్రదించింది. అక్షయ్ కుమార్ నో చెప్పిన తర్వాత.. గంగాజల్ లోని పాత్ర అజయ్ వద్దకు చేరుకుంది. అజయ్ కెరీర్‌లో చిరస్మరణీయ చిత్రాలలో ఒకటిగా నిలిచింది.

ఇష్క్: ‘ఇష్క్’ 1997లో విడుదలై సూపర్ హిట్ గా నిలిచింది. అజయ్ తో పాటు అమీర్ ఖాన్, జూహి చావ్లా, కాజోల్ ముఖ్యమైన పాత్రల్లో నటించారు. అజయ్ దేవగన్ కంటే ముందే ఇష్క్ నిర్మాతలు షారుఖ్ ఖాన్ కు ఈ చిత్రాన్ని ఆఫర్ చేశారు. అయితే షారుఖ్ ఖాన్ ఈ సినిమాను తిరస్కరించడంతో అజయ్ దేవగన్ వద్దకు చేరుకుంది.

హమ్ దిల్ దే చుకే సనమ్: ఐశ్వర్యరాయ్, సల్మాన్ ఖాన్ ‘హమ్ దిల్ దే చుకే సనమ్’లో అజయ్ దేవగన్‌ కీలక పాత్రలో నటించారు. అయితే 1999లో రిలీజైన ఈ సూపర్ హిట్ చిత్రంలో కూడా అజయ్ మొదటి ఎంపిక కాదు. ఈ చిత్రంలో అజయ్ దేవగన్ పాత్రని ముగ్గురు సూపర్ స్టార్లు తిరస్కరించారు. ఆ తర్వాత ఈ పాత్ర అజయ్ దేవగన్ వద్దకు చేరుకుంది. అజయ్ ఈ సినిమాలో నటించడానికి అంగీకరించారు. అజయ్ కంటే ముందు అమీర్ ఖాన్, సంజయ్ దత్, షారుఖ్ ఖాన్ లను చిత్ర యూనిట్ సంప్రదించింది. అయితే ఈ ముగ్గురు సూపర్ స్టార్లలో ఎవరూ ఈ పాత్రలో నటించడానికి ఆసక్తి చూపలేదు.

మరిన్ని సినిమా వార్తల కోసం ఇక్కడ క్లిక్ చేయండి..