Suriya : బాలీవుడ్‌లోకి సూర్య సూపర్ హిట్ మూవీ.. హీరోగా స్టార్ హీరో అక్షయ్ కుమార్

స్టార్ హీరో సూర్య(Suriya )ఇటీవల బ్యాక్ టు బ్యాక్ హిట్స్ తో ప్రేక్షకులను అలరిస్తున్నారు. సూర్య ఆమధ్య సరైన హిట్ లేక సతమతం అయ్యారు. ఆ సమయంలో విడుదలైన సినిమాలన్నీ వరుసగా ప్రేక్షకులను నిరాశ పరిచాయి. అదే టైం లో సుధ కొంగరు దర్శకత్వంలో వచ్చిన ఆకాశం నీహద్దు రా సినిమాతో సాలిడ్ హిట్ అందుకుంది. కరోనా కారణంగా థియేటర్స్‌లో రిలీజ్ అవ్వాల్సిన ఈ సినిమా ఓటీటీ వేదికగా విడుదలైంది. అమెజాన్ ప్రైమ్‌లో విడుదలైన ఈ మూవీ సూపర్ సక్సెస్‌ను సొంతం చేసుకుంది. కెప్టెన్ గోపినాథ్ జీవిత కథతో తెరకెక్కిన ఈ సినిమా మంచి విజయాన్ని సొంతం చేసుకుంది. ఆకాశం నీ హద్దురా సినిమా తిరిగి సూర్యను సక్సెస్ ట్రాక్‌‌‌‌‌లోకి తీసుకువచ్చింది. ఈమూవీలో సూర్య సరసన అపర్ణ బాలమురళి హీరోయిన్‌‌‌‌గా నటించింది. సిఖ్య ఎంటర్టైన్మెంట్స్ మరియు 2D ఎంటర్టైన్మెంట్ బ్యానర్స్ పై హీరో సూర్య ఈ చిత్రాన్ని నిర్మించారు. ఎయిర్ డెక్కన్ అధినేత జీఆర్ గోపీనాథ్ జీవిత కథ ఆధారంగా రూపొందించిన ఈ సినిమా ఓటీటీలో విడుదలై భారీ హిట్ అందుకున్న మొదటి సినిమాగా నిలిచింది. ఇక ఈ సినిమా ఇప్పుడు బాలీవుడ్ లోకి అడుగుపెడుతుంది.

”ఆకాశం నీ హద్దురా” చిత్రాన్ని హిందీలో రీమేక్ చేస్తున్నారు. అక్షయ్ కుమార్ – రాధిక మదన్ ప్రధాన పాత్రల్లో సుధా కొంగర ఈ సినిమాని డైరెక్ట్ చేస్తున్నారు. తాజాగా ఈ సినిమాను సెట్స్ పైకి తీసుకొచ్చారు. కొత్త సినిమా షూటింగ్ ను మొదలుపెట్టామని.. దీనికి మంచి టైటిల్ ను సూచించమని ఫ్యాన్స్ ను సోషల్ మీడియా వేదిక రిక్వెస్ట్ చేశారు అక్షయ్ కుమార్. ఈ హిందీ రీమేక్ ను సూర్య – జ్యోతిక నిర్మాతలుగా వ్యవహరిస్తున్నారు. బాలీవుడ్ నిర్మాత విక్రమ్ మల్హోత్రా కు చెందిన అబుండాంటియా ఎంటర్టైన్మెంట్ మరియు అక్షయ్ కుమార్ కేఫ్ ఆఫ్ గుడ్ హోప్స్ సంస్థ ఈ సినిమాను నిర్మిస్తున్నారు.

మరిన్ని ఇక్కడ చదవండి :

Raveena Tandon: స్ట‌న్నింగ్ పోజుల‌తో ర‌చ్చ చేస్తున్న రవీనా టాండన్.. లేటెస్ట్ పిక్స్ వైరల్

Srinidhi Shetty: అందాలతో కవ్విస్తున్న కేజీయఫ్‌ భామ.. వైరల్ అవుతున్న శ్రీనిధి శెట్టి లేటెస్ట్ ఫోటోస్

Viral Photo: ఆమె మాటలు గంగా ప్రవాహం.. ఆమె అందం యువకులను ఆకర్షించే మకరందం.. గుర్తించారా..?