KD Chandran: బాలీవుడ్ నటుడు కేడీ చంద్రన్ కన్నుమూత.. చికిత్స పొందుతూ..

KD Chandran passes away: నటి, నృత్యకారిణి సుధాచంద్రన్​ తండ్రి, ప్ర‌ముఖ న‌టుడు కేడీ చంద్ర‌న్ (84) కన్నుమూశారు. పలు అనారోగ్య సమస్యలతో చికిత్స పొందుతున్న చంద్రన్ ఆసుపత్రిలోనే తుదిశ్వాస విడిచారు. కేడీ చంద్రన్ కిడ్నీ స‌మ‌స్య‌తో మే 12న ముంబ‌యిలోని ఓ ప్రైవేటు ఆసుపత్రిలో చేరారు. ఈ క్రమంలో ఆయన పరిస్థితి విషమించడం, గుండెపోటు రావడంతో ఆదివారం తుదిశ్వాస విడిచారు. ‘హ‌మ్ హయిన్ ర‌హీ ప్యార్ కే’, ‘చైనా గేట్’, ‘తేరే మేరే స‌ప్నే’, ‘హ‌ర్ దిల్ జో ప్యార్ క‌రేగా’, ‘కోయీ మిల్ గయా’ తదిత‌ర చిత్రాలతో కేడీ చంద్రన్ మంచి న‌టుడిగా గుర్తింపు తెచ్చుకున్నారు చంద్ర‌న్‌. గుల్మోహ‌ర్ అనే టీవీ షోతోనూ ప్రేక్ష‌కులను అల‌రించారు.

చంద్ర‌న్ మృతికి బాలీవుడ్‌కు చెందిన పలువురు ప్రముఖులు, నటులు సంతాపం వ్య‌క్తం చేశారు. ప్ర‌ముఖ డ్యాన్స‌ర్‌, న‌టి సుధా చంద్ర‌న్ కేడీ చంద్ర‌న్ కుమార్తె. ఆమె ‘మయూరి’ సినిమాతో తెలుగు ప్రేక్షకులకు దగ్గరయ్యారు. పలు సినిమాలతో ఆమె ప్రత్యేక గుర్తింపు తెచ్చుకున్నారు.

Also Read:

CID Case: రఘురామకృష్ణంరాజు కాళ్లపై ఉన్న గాయాలకు ‘ఎడిమా’నే కారణం..! రిపోర్టులో..

Coronavirus: ఊహించ‌ని విషాదం.. పెళ్లైన ఐదు రోజులకే కరోనాతో వ‌రుడు మృతి !