Kangana Ranaut : ఆ స్టార్ హీరోయిన్ కంటే నేను ఎందులోనూ తక్కువ కాదు.. ఇప్పుడు నేనే టాప్ అంటున్న కంగనా..
కాంట్రవర్సీ క్వీన్ గా పేరు తెచ్చుకున్న బాలీవుడ్ బ్యూటీ కంగనా సినిమాలకంటే వివాదాలతోనే ఎక్కువ ఫెమస్ అయ్యింది. సుశాంత్ మరణమే తర్వాత మరింత రెచ్చిపోయిన ఈ అమ్మడు బాలీవుడ్ పెద్దలపై తీవ్రస్థాయిలో వ్యాఖ్యలు చేసి సెన్సేషనల్ అయ్యింది.
Kangana Ranaut : కాంట్రవర్సీ క్వీన్ గా పేరు తెచ్చుకున్న బాలీవుడ్ బ్యూటీ కంగనా సినిమాలకంటే వివాదాలతోనే ఎక్కువ ఫెమస్ అయ్యింది. సుశాంత్ మరణమే తర్వాత మరింత రెచ్చిపోయిన ఈ అమ్మడు బాలీవుడ్ పెద్దలపై తీవ్రస్థాయిలో వ్యాఖ్యలు చేసి సెన్సేషనల్ అయ్యింది. ఆతర్వాత ఏకంగా రాజకీయ నాయకులను ఛాలెంజ్ చేస్తూ మరింత రచ్చచేసింది . ఇలా నిత్యం వివాదాల్లో ఉండే కంగనా.. ఇప్పుడు స్వయం ప్రకటిత బాబాలా.. తనను తాను మరో గొప్ప హీరోయిన్‌తో పోల్చుకుంది. ఆ స్టార్ హీరోయిన్ కి నేను ఏమాత్రం తీసిపోను అంటూ పోల్చుకుంటుంది. పోల్చుకోవడమే కాదు.. కామెడీ విత్ గ్లామర్‌ వలకబోయడంలో.. ఇప్పుడు నేనే టాప్.. మీరు ఫిక్సై పోండంటూ.. బల్లగుద్ది మరీ చెప్తుంది. ఇంతకీ కంగనా పోల్చుకుంటున్న ఆ స్టార్ ఎవరనుకుంటున్నారా..? ఆమే అతిలోక సుందరి శ్రీదేవి.
ఆనంద్‌ ఎల్‌.రాయ్‌ దర్శకత్వంలో కంగన కథానాయికగా నటించిన `తను వెడ్స్ మను` విడుదలై పదేళ్లు పూర్తయ్యాయి. ఈ సందర్భంగా కంగన ఆ సినిమాను గుర్తు చేసుకుంది. `నేను కెరీర్ ఆరంభం నుంచి ఎన్నో విభిన్నమైన పాత్రల్లో నటించాను. అయితే `తను వెడ్స్ మను` నా కెరీర్‌ను మార్చేసింది. ఆ సినిమాలో విభిన్నమైన కథ, నా నాటన ప్రేక్షకులను ఎంతగానో ఆకట్టుకున్నాయి. ఆ సినిమాలో కామెడీని అద్భుతంగా పండించగలిగాను. దిగ్గజ నటి శ్రీదేవి తర్వాత అంతలా కామెడీ పండించగలిగింది నేనేన`ని కంగన చెప్పేసింది.
ఇక కంగనా దివంగత నటి, తమిళ నాడు మాజీ ముఖ్యమంత్రి జయలలిత బయోపిక్లో నటిస్తోంది. ఈ సినిమా కోసం బరువు కూడా పెరిగింది కంగనా…అయితే ఈ ఏడాది ఏప్రిల్‌ 23న ‘తలైవి’ సినిమాను విడుదల చేయనున్నట్లు మూవీమేకర్స్ అధికారికంగా వెల్లడించారు. దీంతోపాటు తలైవి టీజర్‌ను కూడా రిలీజ్ చేశారు.
మరిన్ని ఇక్కడ చదవండి :
Roberrt Movie Live : ప్రీరిలీజ్ ఈవెంట్… భారీ యాక్షన్ ఎంటర్టైనర్ గా రానున్న ‘రాబర్ట్’..
