Gangubai Kathiawadi: థియేటర్లలోకి గంగూబాయి కతియావాడి.. అలియా భట్ సినిమా రిలీజ్ ఎప్పుడంటే..

బాలీవుడ్ మోస్ట్ అవైటెడ్ చిత్రం గంగూబాయి కతియావాడి (Gangubai Kathiawadi). అలియా భట్ (Alia Bhatt)

Gangubai Kathiawadi

Rajitha Chanti |
Updated on: Jan 28, 2022 | 8:14 PM

బాలీవుడ్ మోస్ట్ అవైటెడ్ చిత్రం గంగూబాయి కతియావాడి (Gangubai Kathiawadi). అలియా భట్ (Alia Bhatt) ప్రధాన పాత్రలో నటించిన ఈ చిత్రానికి సంజయ్ లీలా భన్సాలీ (Sanjay Leela Bhansali) దర్శకత్వం వహించారు. ఇందులో అలియా ముంభై మాఫియా క్వీన్ గంగూబాయి పాత్రలో కనిపించనుంది. సంజయ్‌ లీలా భన్సాలీ, డా. జ‌యంతిలాల్‌గ‌డ సంయుక్తంగా నిర్మిస్తోన్న ఈ చిత్రంలో ‌బాలీవుడ్ స్టార్స్ అజయ్ దేవ్‌గన్, ఇమ్రాన్ హష్మి గెస్ట్ రోల్‌లో కనిపించనున్నారు. ప్రముఖ జర్నలిస్ట్ హుస్సేన్‌ జైదీ రచించిన “మాఫియా క్వీన్స్ అఫ్ ముంబై” అనే బుక్ ఆధారంగా ఈ చిత్రం తెరకెక్కుతోంది. ఇప్పటికే షూటింగ్ పూర్తైన ఈ మూవీ ప్రేక్షకుల ముందుకు రావాల్సి ఉండగా.. కరోనా కారణంగా వాయిదా పడుతూ వచ్చింది.

నార్త్ ఆడియన్స్ ఎంతో ఆసక్తిగా ఎదురుచూస్తున్న ఈ సినిమా విడుదలపై ఎట్టకేలకు క్లారిటీ వచ్చేసింది. ఢిల్లీతోపాటు.. పలు రాష్ట్రాల్లో థియేటర్లు తిరిగి ఓపెన్ అవుతున్న నేపథ్యంలో ఈ సినిమాను ఫిబ్రవరి 25న థియేటర్లలో విడుదల చేయనున్నట్లు మేకర్స్ ప్రకటించారు. ఈ చిత్రంలో గంగూబాయిగా అలియా భట్‌ వేశ్య గృహం నడిపే యజమానిగా నటిస్తోంది. అయితే ఈ సినిమా ఓటీటీలో విడుదల కాబోతుందని గత కొద్ది రోజులుగా నెట్టింట్లో టాక్ నడుస్తోంది. దీంతో విడుదల తేదీని ప్రకటిస్తూ.. రూమర్స్‏కు చెక్ పెట్టారు మేకర్స్. ఇదిలా ఉంటే.. అలియా భట్.. ప్రస్తుతం రాజమౌళి తెరకెక్కిస్తున్న ఆర్ఆర్ఆర్ సినిమాలో నటిస్తోంది. ఈ మూవీతో అలియా తెలుగు తెరకు పరిచయం కాబోతుంది. ఇప్పటికే ఈ సినిమా నుంచి విడుదలైన పోస్టర్ ప్రేక్షకులను ఆకట్టుకుంటుంది.

Witness her reign in cinemas near you on 25th February 2022. ?#GangubaiKathiawadi #SanjayLeelaBhansali @ajaydevgn @aliaa08 @prerna982 @jayantilalgada @PenMovies @saregamaglobal pic.twitter.com/SJ5myx1X3u

— BhansaliProductions (@bhansali_produc) January 28, 2022