Nora Fatehi: బాహుబలి బ్యూటీకి కరోనా పాజిటివ్.. పరిస్థితి బాలేదంటూ షాకింగ్ ట్వీట్ చేసిన హీరోయిన్..

దేశవ్యాప్తంగా కరోనా మహామ్మరి మరోసారి విజృంభిస్తుంది. గత కొద్దిరోజులుగా తగ్గుముఖం పట్టిన కేసులు ఇటీవల కాలంలో రోజూ రోజుకీ

Fatehi

Updated on: Dec 30, 2021 | 4:34 PM

దేశవ్యాప్తంగా కరోనా మహామ్మరి మరోసారి విజృంభిస్తుంది. గత కొద్దిరోజులుగా తగ్గుముఖం పట్టిన కేసులు ఇటీవల కాలంలో రోజూ రోజుకీ కేసుల సంఖ్య పెరుగుతుంది. ఈ వైరస్ సెలబ్రెటీలను వదలడడం లేదు. ఇప్పటికే కమల్ హాసన్, కరీనా కపూర్, హీరో అర్జున్ వంటి ప్రముఖులు కరోనా బారిన పడిన సంగతి తెలిసిందే. తాజాగా బాలీవుడ్ బ్యూటీ.. డ్యాన్సర్ నోరా ఫతేహి కరోనా బారిన పడింది. ప్రస్తుతం తాను వైద్యుల సమక్షంలో క్యారంటైన్‏లో ఉన్నట్లు తెలిపింది. ఈ విషయాన్ని నోరా ఫతేహి తన ఇన్‏స్టా ఖాతాలో షేర్ చేసింది.

“ప్రస్తుతం వైద్యుల సమక్షంలో ఉన్నాను. దయచేసి అందరూ సురక్షితంగా ఉండండి. మాస్కులు ధరించండి. వైరస్ వేగంగా వ్యాపిస్తుంది. ప్రతి ఒక్కరి వివిధ రకాలుగా ప్రభావం చూపిస్తుంది. ఈ వైరస్ ప్రభావం నాపై తీవ్రంగా చూపించింది. ఇది ఎవరికైనా రావచ్చు.. అందరూ జాగ్రత్తగా ఉండండి. నేను కోలుకోవడానికి ప్రయత్నిస్తున్నాను.. ఆరోగ్యం కంటే ముఖ్యమైనది ఏదీ లేదు. జాగ్రత్తగా ఉండండి.. సురక్షితంగా ఉండండి ” అంటూ తెలియజేసింది నోరా ఫతేహి.

రెండు రోజుల క్రితం పాజిటివ్ వచ్చిందని.. నోరా ఫతేహి బృహన్ ముంబై మున్సిపల్ కార్పొరేషన్ (BMC) అధికారులతో సహకరిస్తున్నట్లు చెప్పారు. కరోనా పాజిటివ్ వచ్చినప్పటి నుంచి నోరా ఫతేహి బయటకు రాలేదని.. ప్రస్తుతం సోషల్ మీడియాలో వైరల్ అవుతున్న ఫోటోలు గతంలోవి అని చెప్పారు ముంబై పోలీసులు. ప్రభాస్ నటించిన బాహుబలి సినిమాలో నోరా ఫతేహి స్పెషల్ సాంగ్‏లో నటించింది.