Aakasham Nee Haddhu Ra : ఓటీటీలోనే కాదు బుల్లితెర మీదకూడా సత్తాచాటిన సూర్య సినిమా..

Aakasham Nee Haddhu Ra : తమిళ స్టార్ హీరో సూర్య నటించిన తాజా చిత్రం ‘ఆకాశం నీహద్దురా’. మలయాళ క్రేజీ హీరోయిన్ అపర్ణా బాలమురళి హీరోయిన్ గా నటించింది. ఇక  గురు ఫేమ్ సుధ కొంగర దర్శకత్వంలో తెరకెక్కిన ఈ సినిమా నిజానికి ఈ సమ్మర్ లో విడుదల కావాల్సి ఉంది. లాక్ డౌన్ కారణంగా ఈ సినిమా విడుదల వాయిదా పడుతూ చివరకు ఓటీటీ వేదికగా విడుదలై సూపర్ హిట్ గా నిలిచింది.

అమెజాన్ ప్రైమ్ లో విడుదలైన ఈ మూవీ.. హ్యూజ్ రెస్పాన్స్ ను అందుకుంది. గతేడాది ఓటీటీలో అత్యధికంగా చూసిన ఇండియన్ సినిమాల్లో ఒకటిగా నిలిచింది. ఇక ఈ సినిమా ఓటీటీలోనే కాదు బుల్లితెరమీదకూడా మంచి రేటింగ్ ను సొంతం చేసుకుంది. వరల్డ్ టెలివిజన్ ప్రీమియర్ గా ప్రముఖ ఛానల్లో ప్రసారమైన ఈ సినిమాకు 6.77 టీఆర్పీ దక్కింది. ఇటీవల కాలంలో సూర్య సినిమాలకు ఇంత రేటింగ్ రాలేదు. వరుసగా సూర్య నటించిన సినిమాలన్నీ పహ్లాపులుగా నిలిచాయి. ‘ఆకాశం నీహద్దురా’ ఒక్కటే అటు ఓటీటీలోనూ ఇటు బుల్లితెరమీద సత్తా చాటింది.