Anushka Virat: కరోనవేళ గడిపిన ఆ క్షణాలు మరిచిపోలేనివని అంటోన్న అనుష్క.. ఆకట్టుకుంటోన్న విరుష్క జంట వీడియో..

Anushka Virat Video: కరోనా మహమ్మారి సృష్టించిన, సృష్టిస్తోన్న ప్రకంపనలు ఎలాంటివో ప్రత్యేకంగా చెప్పాల్సిన పనిలేదు. గతేడాది లాక్‌డౌన్‌ విధించడంతో ప్రజా జీవనం పూర్తిగా స్థంభించిపోయింది. సినిమా తారల నుంచి క్రికెటర్...

Virak Kohli And Anushka Sharma

Narender Vaitla |
Updated on: Apr 16, 2021 | 7:28 PM

Anushka Virat Video: కరోనా మహమ్మారి సృష్టించిన, సృష్టిస్తోన్న ప్రకంపనలు ఎలాంటివో ప్రత్యేకంగా చెప్పాల్సిన పనిలేదు. గతేడాది లాక్‌డౌన్‌ విధించడంతో ప్రజా జీవనం పూర్తిగా స్థంభించిపోయింది. సినిమా తారల నుంచి క్రికెటర్‌ ప్లేయర్స్‌ వరకు అంతా ఇంటికే పరిమితమయ్యారు. ఈ క్రమంలోనే ఖాళీగా ఉన్నవారంతా ఏదో ఒక వ్యాపకాన్ని ఎంచుకున్నారు. సెలబ్రిటీ జంటల్లో ఒకరైన నటి అనుష్క, క్రికెటర్‌ విరాట్ కోహ్లి కూడా లాక్‌డౌన్‌ సమయాన్ని జాలీగా గడిపారు.

ఈ క్రమంలోనే విరుష్క జంట తమ పెంపుడు శున‌కాల‌తో కలిసి కొన్ని గ్రామీణ ప్రాంతాలకు వెళ్లి సరదాగా గడిపారు. అయితే ఇదే సమయంలో విరుష్క జంట ఓ గ్రామంలోకి వెళ్లే సరికి ఊర్లోని వీధి కుక్కులు పెద్ద ఎత్తున వారి దగ్గరికి వచ్చాయి. దీంతో తమ వెంట తెచ్చుకున్న ఫుడ్‌ను అనుష్క, విరాట్‌లు ఆ శున‌కాల‌తో పంచుకున్నారు. ఇద్దరు కలిసి వారికి ఆప్యాయంగా ఫుడ్‌ పెట్టారు. తాజాగా అనుష్క శర్మ వాటికి సంబంధించిన వీడియోను ఇన్‌స్టాగ్రామ్‌లో పోస్ట్‌ చేశారు. ఇక ఈ వీడియోకు ‘గతేడాది గడిపిన కొన్ని ప్రత్యేకమైన, వెలకట్టలేని మధుర క్షణాలు ఇవే’నంటూ క్యాప్షన్‌ జోడించారు. ప్రస్తుతం ఈ వీడియో నెట్టింట వైరల్‌గా మారింది. ఇదిలా ఉంటే విరుష్క జంట ఇటీవలే ఓ పండంటి ఆడబిడ్డకు జన్మనిచ్చిన విషయం తెలిసిందే. అయితే ఈ జంట తమ చిన్నారిని ఇప్పటి వరకు ప్రపంచానికి పరిచయం చేయలేదు.