దీపావళికి ‘లక్ష్మీ బాంబ్’.. ఎలా పేలుతుందో..!

Laxmmi Bomb Release date: బాలీవుడ్ కిలాడీ అక్షయ్ కుమార్ నటించిన హారర్ కామెడీ చిత్రం లక్ష్మీ బాంబ్. తెలుగు, తమిళంలో మంచి విజయం సాధించిన కాంచన రీమేక్‌గా ఈ మూవీ తెరకెక్కింది. రాఘవ లారెన్స్ దర్శకత్వం వహించిన ఈ మూవీలో అక్షయ్ సరసన కియారా అద్వాణీ నటించారు. ఇక ఎప్పుడో షూటింగ్‌ని పూర్తి చేసుకున్న ఈ మూవీ ఓటీటీలో విడుదల కాబోతున్నట్లు ఆ మధ్యన చిత్ర యూనిట్ ప్రకటించగా.. తాజాగా విడుదల తేదీని ఫిక్స్ చేశారు. దీపావళి కానుకగా నవంబర్ 9న లక్ష్మీ బాంబ్‌ హాట్‌స్టార్‌లో విడుదల కానుంది. ఈ మేరకు మూవీ యూనిట్ అధికారికంగా ప్రకటించింది.

ఇదిలా ఉంటే సుశాంత్ మరణం తరువాత బాలీవుడ్‌లో నెపోటిజం మళ్లీ తెరపైకి వచ్చింది. సుశాంత్ ఆత్మహత్య చేసుకోవడానికి బాలీవుడ్‌లోని నెపోటిజం కూడా ఓ కారణమంటూ పలువురు అభిప్రాయాలు వ్యక్తం చేస్తున్నారు. దీంతో బాయ్‌కాట్ బాలీవుడ్ అంటూ పలువురు డిమాండ్ చేస్తున్నారు. ఈ క్రమంలో ఈ మధ్య కాలంలో విడుదలైన పలు స్టార్ల సినిమాల ట్రైలర్‌లు, సినిమాలకు డిస్‌లైక్‌ల మోత మోగింది. మరి ఇలాంటి నేపథ్యంలో అక్షయ్ నటించిన లక్ష్మీ బాంబ్ దీపావళి రోజున ఎలా పేలుతుందో చూడాలి.

Read More:

భారీ రెమ్యునరేషన్ డిమాండ్‌ చేసిన సాయి పల్లవి..!

‘మిస్టర్ బీన్’‌గా ఒత్తిడికి గురయ్యా: రోవన్‌