Ram Setu: ‘రామ్ సేతు’ను రక్షించేందుకు చేసే సాహస ప్రయాణం.. విజువల్ వండర్లా ఫస్ట్ గ్లింప్స్..
Ram Setu: పురాణ ఇతిహాస నేపథ్యంగా సినిమాలకు భారీగా ప్రేక్షకాధరణ లభిస్తోంది. తాజాగా ద్వారక నగరం నేపథ్యంలో వచ్చిన 'కార్తికేయ 2' ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు...
Updated on: Sep 26, 2022 | 5:00 PM
Ram Setu: ఇటీవల పురాణ ఇతిహాస నేపథ్యంగా వస్తోన్న సినిమాలకు భారీగా ప్రేక్షకాధరణ లభిస్తోంది. తాజాగా ద్వారక నగరం నేపథ్యంలో వచ్చిన ‘కార్తికేయ 2’ ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. పురాణ ఇతిహాసాన్ని ఈతరం ప్రేక్షకులకు ఎంతో విడమరిచి చెప్పిందీ సినిమా. ఈ క్రమంలోనే తాజాగా రామాయణాన్ని ఇతివృత్తంగా చేసుకొని మరో సినిమా తెరకెక్కుతోంది. బాలీవుడ్ అగ్ర కథానాయకుడు అక్షయ్ కుమార్ హీరోగా తెరకెక్కుతోన్న ‘రామ్ సేతు’. ఈ సినిమాను హిందూ మహా సముద్రంలో ఉన్న రామ వారధి నేపథ్యంలో ఈ సినిమాను తెరకెక్కిస్తున్నారు.
అక్షయ్ కుమార్ ఈ సినిమాలో ఒక పురావస్తు శాస్త్రవేత్త పాత్రలో నటిస్తున్నాడు. ఇక టాలీవుడ్ ట్యాలెంట్ యాక్టర్ సత్యదేవ్ ఈ సినిమాలో కీలక పాత్రలో నటిస్తుండడం విశేషం. తాజాగా ఈ చిత్రానికి సంబంధించిన ఫస్ట్ గ్లింప్స్ను మూవీ యూనిట్ విడుదల చేసింది. ‘రామ్సేతును కాపాడటానికి మన దగ్గర మూడురోజులే ఉన్నాయి’ అని అక్షయ్కుమార్ డైలాగ్తో మొదలైన ఈ టీజర్ సినిమాపై ఆసక్తిని పెంచేసింది. ముఖ్యంగా చేసింగ్ సీన్లు, ఫైరింగ్ సీన్స్ ఔరా అనిపించేలా ఉన్నాయి. ఇందులో జాక్వైలీన్ ఫెర్నాండేజ్, నుష్రత్ భారుచ్చా కీలక పాత్రలో నటిస్తున్నారు. అమెజాన్, లైకా సంస్థలతో కలిసి విక్రమ్ మల్హోత్రా, అరుణ భాటియా ఈ చిత్రాన్ని నిర్మిస్తుస్తున్నారు.
పాన్ ఇండియా లెవల్లో తెరకెక్కుస్తోన్న ఈ చిత్రాన్ని ఏయే భాషల్లో విడుదల చేస్తారన్న విషయంపై చిత్ర యూనిట్ ఇంకా క్లారిటీ ఇవ్వలేదు. ఇదిలా ఉంటే.. రామ సేతుకు ఎలాంటి ప్రమాదం ఏర్పడింది. దానిని అక్షయ్ కుమార్ బృందం ఎలా తప్పించిందన్న ఆసక్తికర కథాంశంతో వస్తోన్న ఈ సినిమా ఎలాంటి వండర్స్ క్రియేట్ చేస్తుందో చూడాలి.
మరిన్ని సినిమా వార్తల కోసం క్లిక్ చేయండి..
