మన్మధుడి డ్రీమ్ గర్ల్‌గా కన్నడ బ్యూటీ..!

అక్కినేని నాగార్జున హీరోగా రాహుల్ రవీంద్రన్ డైరెక్షన్‌లో తెరకెక్కితున్న చిత్రం ‘మన్మధుడు 2’. ఈ సినిమా షూటింగ్ పోర్చుగల్‌లో శరవేగంగా జరుగుతోంది. ఇప్పటికే రిలీజైన షూటింగ్ ఫొటోస్ ప్రేక్షకులలో ఈ సినిమాపై అంచనాలను పెంచేశాయి. ఇకపోతే ఈ సినిమాలో నాగార్జునకు జోడిగా రకుల్ ప్రీత్ సింగ్ హీరోయిన్‌గా నటిస్తోంది.

ఇది ఇలా ఉండగా.. రకుల్‌తో పాటు ఈ సినిమాలో కన్నడ బ్యూటీ అక్షర గౌడ  సెకండ్ హీరోయిన్‌గా నటిస్తోందని వార్తలు వచ్చాయి. ఈ వార్తలపై స్పందిస్తూ తాజాగా అక్షర గౌడ తన పాత్ర జస్ట్ క్యామియో అని క్లారిటీ ఇచ్చింది.

ఇక అక్షర పాత్ర విషయానికి వస్తే ఈ సినిమాలో ఒక ఎన్నారై‌గా కనిపిస్తుందట. నాగార్జున ఈ హాట్ బ్యూటీతో లవ్‌లో పడతాడట. కానీ రకుల్ మాత్రం నాగ్‌పై మనసు పారేసుకుంటుందట. ఒకవేళ అదే నిజమైతే నాగ్‌ను వెనక తిప్పుకునేలా గ్లామర్ ఒలికించాలిగా. పాప సోషల్ మీడియా ఖాతాలు చూస్తే ఆ పనిని అవలీలగా చేసి పారేసేలా ఉంది. చూడాలి ఈ పాప ఐదు నిమిషాలకు ప్రేక్షకుల జన్మ ధన్యమవుతుందో లేదో.!