Sreeleela: శత్రువులు ఎక్కడో ఉండరు.. రష్మిక, పూజా మీకు అర్థమవుతోందా..?
అదేదో సినిమాలో రావు రమేష్ చెప్పినట్టు.. శత్రువులు ఎక్కడో ఉండరట. మన చెళ్లెళ్ల రూపంలో.. కూతుళ్ల రూపంలో మన మధ్యే తిరుగుతుంటారట. అయితే ఇదే డైలాగ్ను.. కాస్త అటీటుగా మార్చి మరీ.. రష్మిక అండ్ పూజా బేబీకి సింక్ చేస్తున్నారు కొంత మంది నెటిజెన్లు.
Updated on: May 04, 2023 | 6:10 PM
అదేదో సినిమాలో రావు రమేష్ చెప్పినట్టు.. శత్రువులు ఎక్కడో ఉండరట. మన చెళ్లెళ్ల రూపంలో.. కూతుళ్ల రూపంలో మన ఇంట్లోనే తిరుగుతుంటారట. అయితే ఇదే డైలాగ్ను.. కాస్త అటీటుగా మార్చి మరీ.. రష్మిక అండ్ పూజా బేబీకి సింక్ చేస్తున్నారు కొంత మంది నెటిజెన్లు. సింక్ చేయడమే కాదు.. ఈ బ్యూటీలకు శత్రవు ఎక్కడో లేరని.. ఈ బ్యూటీల స్టేట్లోనే ఉన్నారట. వీరికి ఏ మాత్రం తీసిపోని అందంతోనే ఉన్నారని వారంటున్నారు. పూజీ, రష్మికలకు ఇప్పుడు ఆ శత్రువు శ్రీలేలే అంటున్నారు. సీదా స్టేట్మెంట్స్తో… మీమ్స్తో సోషల్ మీడియాలో రెచ్చి పోతున్నారు.
శ్రీలీల.. డాక్టర్ కాబోయి మరీ యాక్టర్ అయ్యా అంటూ చెప్పే యాక్టర్లందరి మధ్యలో డాక్టర్ కోర్స్ చేసి మరీ యాక్టర్ అయ్యారు ఈ బ్యూటీ. కన్నడ నాట పుట్టి పెరిగి.. అక్కడే హీరోయిన్గా మారి మరీ.. టాలీవుడ్లోకి ఇంపోర్ట్ అయ్యారు. అవడం అవడమే దర్శకేంద్రుడు రాఘవేంద్రరావు పర్యవేక్షణలో పెళ్లి సందడి చేసి.. తెలుగు టూ స్టేట్స్ కుర్రాళ్ల హార్ట్స్లో తిష్టేశారు. ఇక అంతే అప్పటి నుంచి.. వారి హార్ట్స్నే కేరాఫ్గా చేసుకుని మరీ.. క్రేజీ బ్యూటీగా నామ్ కమాయించారు. ఇక అదే క్రేజ్ను మేకర్స్ క్యాచ్ చేయడంతో.. వరుస సినిమాల్లో నటిస్తున్నారు. బంపర్ ఆఫర్లు పట్టేస్తున్నారు. హీరోలకు మోస్ట్ ఛాయిస్డ్ హీరోయిన్గా మారిపోయారు.
ఇదంతా బానే ఉన్నా..ఈ బ్యూటీకి ఓవర్ నైట్ వచ్చిన ఫేమ్.. అండ్ వరుస ఫిల్మ్ ఛాన్సెస్… ఇప్పుడు రష్మిక అండ్ పూజ గుండెల్లో గుబులు పుట్టిస్తున్నాయి. కంటిమీద కునుకు లేకుండా చేస్తున్నాయి. వారికి టాలీవుడ్లో శత్రువు శ్రీలీలే అనే టాక్ వచ్చేలా చేస్తున్నాయి. ఇప్పటికే వరుస ఫ్లాపుల్లో ఉన్న పూజా.. తెలుగు ఫిల్మ్ ఇండస్ట్రీలో కాస్త డల్ అయిపోయారు. రష్మిక కూడా నేషనల్ క్రేజ్ అనే మోజులో పడి.. బాలీవుడ్ పై ఫోకస్ చేస్తున్నారు. టాలీవుడ్ను కాస్త నెగ్లెట్ చేస్తున్నారు. కానీ ఈ మధ్యలో దూరిన శ్రీలీల తన బ్యూటీతో.. ఛార్మింగ్ స్మైల్తో.. వీరిద్దరికీ ప్రత్యామ్నాయ హీరోయిన్గా మారిపోయారు. ఓ హీరో సినిమా మొదలెట్టాలన్నా.. పూజా, రష్మికను కాదని.. తన వైపుకు వచ్చేలా సక్సెస్ ఫుల్ గా చేసుకున్నారు.
Sreeleela, Vijay Devarakonda
అలా తాజాగా దాదాపు టాలీవుడ్ స్టార్ హీరోల సినిమాల్లో బుక్ అయిపోయారు. పవన్ , మహేష్ , బాలయ్య, విజయ్ దేవరకొండతో పాటు.. మరింత మంది హీరోలకు ఫస్ట్ ఆప్షన్ గా మారుతున్నారు. ఇక ఇదంతా గమనిస్తూ వస్తున్న కొంత మంది నెటిజెన్స్ అండ్ ఫిల్మ్ క్రిటిక్స్ సోషల్ మీడియా వేదికగా ఓ టాక్ వైరల్ చేస్తున్నారు. సేమ్ స్టేట్ నుంచి వచ్చి.. పూజా హెగ్డే, రష్మికలకు శ్రీలీల ఏకు మేకైందని అంటున్నారు. అందుకే శత్రువులు ఎక్కడో ఉండరంటూ.. నెట్టింట కామెంట్ చేస్తున్నారు.
(సతీష్ చంద్ర, టీవీ9 తెలుగు)
మరిన్ని సినిమా వార్తలు చదవండి..
