Payal Rajput: కన్నడలో పాగా వేయడానికి సిద్ధమైన అందాల ముద్దుగుమ్మ.. హెడ్‌ బుష్‌తో రానున్న పాయల్‌.
Payal Rajput: 'ఆర్‌ఎక్స్‌ 100' సినిమాతో తెలుగు ప్రేక్షకులను పలకరించింది అందాల తార పాయల్‌ రాజ్‌పుత్‌. తొలి సినిమాతోనే తనదైన నటన, అందంతో కుర్రకారును మెస్మరైజ్‌ చేసింది. అనంతరం...
Payal Rajput: ‘ఆర్‌ఎక్స్‌ 100’ సినిమాతో తెలుగు ప్రేక్షకులను పలకరించింది అందాల తార పాయల్‌ రాజ్‌పుత్‌. తొలి సినిమాతోనే తనదైన నటన, అందంతో కుర్రకారును మెస్మరైజ్‌ చేసింది. అనంతరం పలు పంజాబి చిత్రాల్లో నటించిన ఈ బ్యూటీ తెలుగులోనే ఎక్కువ సినిమాలు చేస్తూ వస్తోంది. నిజానికి పాయల్‌ తొలి చిత్రం చూసిన తర్వాత బడా ఆఫర్లు క్యూ కడతాయని అంతా భావించినా ఆశించిన స్థాయిలో మాత్రం ఆఫర్లు రాలేదని చెప్పాలి. అయితే తమిళంలోనూ ఓ చిత్రంలో నటించే అవకాశాన్ని సొంతం చేసుకుందీ బ్యూటీ.
ప్రస్తుతం తెలుగు, తమిళంలో సినిమాలో నటిస్తోన్న ఈ ముద్దుగుమ్మ తాజాగా కన్నడ చిత్ర పరిశ్రమ నుంచి మరో ఆఫర్‌ను సొంతం చేసుకుంది. దీంతో పాయల్‌ మరో ఇండస్ట్రీలోకి ఎంట్రీ ఇవ్వనుంది. ధనుంజయ హీరోగా తెరకెక్కుతోన్న ‘హెడ్‌ బుష్‌’ అనే చిత్రంతో పాయల్‌ కన్నడ చిత్ర పరిశ్రమలోకి అడుగుపెట్టింది. ఈ సినిమా షూటింగ్‌ నేటి నుంచి (సోమవారం) బెంగళూరులో ప్రారంభమవుతోంది. ఓ డాన్‌ జీవిత కథ ఆధారంగా ఈ సినిమా తెరకెక్కనుంది. 1960-80ల మధ్య సాగే కథాంశంతో ఈ సినిమా ఉండనుందని సమాచారం. బెంగళూరుతో పాటు, మైసూర్‌, కోలార్‌లోని కొన్ని ప్రాంతాల్లో ఈ సినిమా చిత్రీకరణ జరుపుకోనుంది. మరి తెలుగు ప్రేక్షకులను తన అందంతో కట్టి పడేసిన పాయల్‌ రాజ్‌పుత్‌.. కన్నడ ప్రేక్షకులను ఏమేర ఆకట్టుకుంటుందో చూడాలి.
Also Read: గూగుల్ నుంచి డిలీట్ చేసిన ఫొటోలు కావాలా.. అయితే ఈ సింపుల్ చిట్కాలను పాటించండి..!
Viral Video: గూడుపై దాడిచేయబోయిన పాము.. అడ్డుపడిన పక్షి.. ఏంజరిగిందంటే? వైరలవుతోన్న వీడియో