ఇంత ఘోరమా… జాతీయ జెండానే తగలబెడతాడా.. ?..ఓ సర్పంచ్ సోదరుడి నిర్వాకం…

దేశ వ్యాప్తంగా ఆదివారం రోజు ఓ వైపు జాతీయ జెండాను ఎగరవేస్తూ.. గణతంత్ర వేడుకలు జరుపుకుంటుంటే.. మరోవైపు ఆ జాతీయ జెండాని తగలబెట్టాడో సర్పంచ్ సోదరుడు. ఈ ఘటన తెలంగాణ రాష్ట్రంలోని మహబూబాబాద్‌ జిల్లా కురవి మండలం తిరుమలపురంలో చోటుచేసుకుంది. వివరాల్లోకి వెళితే.. జనవరి 26 గణతంత్ర వేడుకల సందర్బంగా.. ఉదయం తిరుమలపురం గ్రామ పంచాయతీ కార్యాలయంలో పంచాయతీ కార్యదర్శి జాతీయ జెండాను ఎగరవేశారు. అయితే ఆ సమయంలో.. ఆ గ్రామ సర్పంచ్ అక్కడ లేడని తెలుస్తోంది. […]

ఇంత ఘోరమా... జాతీయ జెండానే తగలబెడతాడా.. ?..ఓ సర్పంచ్ సోదరుడి నిర్వాకం...
Follow us

| Edited By:

Updated on: Jan 27, 2020 | 1:14 PM

దేశ వ్యాప్తంగా ఆదివారం రోజు ఓ వైపు జాతీయ జెండాను ఎగరవేస్తూ.. గణతంత్ర వేడుకలు జరుపుకుంటుంటే.. మరోవైపు ఆ జాతీయ జెండాని తగలబెట్టాడో సర్పంచ్ సోదరుడు. ఈ ఘటన తెలంగాణ రాష్ట్రంలోని మహబూబాబాద్‌ జిల్లా కురవి మండలం తిరుమలపురంలో చోటుచేసుకుంది. వివరాల్లోకి వెళితే.. జనవరి 26 గణతంత్ర వేడుకల సందర్బంగా.. ఉదయం తిరుమలపురం గ్రామ పంచాయతీ కార్యాలయంలో పంచాయతీ కార్యదర్శి జాతీయ జెండాను ఎగరవేశారు. అయితే ఆ సమయంలో.. ఆ గ్రామ సర్పంచ్ అక్కడ లేడని తెలుస్తోంది. అయితే సర్పంచ్ లేకుండా జాతీయ జెండా ఎగరవేస్తారా అంటూ.. ఆ సర్పంచ్ సోదరుడు నానా హంగామా చేశాడు. అంతేకాదు.. ఆగ్రహంతో యావత్ దేశం సెల్యూట్ చేసే జాతీయ జెండానే తగలబెట్టాడు. వెంటనే ఈ ఘటనపై కారోబార్‌ రమేశ్‌ పోలీసులకు ఫిర్యాదు చేశాడు. దీంతో రంగంలోకి దిగిన పోలీసులు.. జెండాను తగలబెట్టిన నిందితుడిని పోలీస్ స్టేషన్‌కు తరలించారు. కాగా.. ఇదే అంశంపై సర్పంచ్‌‌కు.. పంచాయతీ కార్యదర్శి, గ్రామ కారోబార్‌ల మధ్య గొడవకు దారితీసింది.