నెల్లూరులో దారుణం.. యువతిపై విచక్షణా రహితంగా దాడి.. బ్రతిమిలాడినా కనికరించని వైనం

దేశంలో మహిళపై దారుణాలు రోజురోజుకు పెరిగిపోతున్నాయి. యువతులపై దాడులను అరికట్టేందుకు పోలీసులు ప్రత్యేక నిఘా పెట్టినా.. కొందరు నీచులు ఇష్టానుసారంగా..

Updated on: Sep 15, 2021 | 11:57 AM

దేశంలో మహిళపై దారుణాలు రోజురోజుకు పెరిగిపోతున్నాయి. యువతులపై దాడులను అరికట్టేందుకు పోలీసులు ప్రత్యేక నిఘా పెట్టినా.. కొందరు నీచులు ఇష్టానుసారంగా వ్యవహరిస్తూ మహిళలపై దారుణాలకు ఒడిగడుతున్నారు. వికృత చేష్టలకు దిగుతున్నారు. మహిళలపై అత్యాచారాలు, హత్యలు జరుగుతూనే ఉన్నాయి. ఎన్ని కఠినమైన చట్టాలు ఉన్నా.. ఏ మాత్రం భయపడకుండా నీచానికి దిగుతున్నారు. తాజాగా నెల్లూరులో దారుణం చోటు చేసుకుంది. ఓ యువతిపై విచక్షణా రహితంగా దాడికి పాల్పడ్డాడు. మరో వ్యక్తితో వ్యభిచారానికి పాల్పడాలని ఒత్తిడి తీసుకువస్తూ కర్రతో కొడుతూ వీడియోను తీయించాడు. మరో వ్యక్తి ఈ వీడియోను తీస్తూ పైశాచిక ఆనందంగా పొందాడు. వీడియోను సోషల్‌ మీడియాలో పోస్టు చేశాడు.

యువతిని కర్రతో కొట్టడంతో చేతి రాజులు పగిలి రక్తం కారుతున్నా.. ఆ మానవ మృగాడు ఏ మాత్రం కనికరించలేదు. తమ వాళ్లు చూస్తే బాధపడతారని బాధితురాలు ప్రాధేయపడుతున్నా.. ఆ వ్యక్తి మాత్రం కర్రతోకొట్టడం ఆపలేదు. కర్రతో కొట్టకుండా అడ్డుకుంటే దుస్తులు చించివేస్తానని యువతిని బెదిరించాడు. తన దుస్తులు చించివేయవద్దని కోరినా వినలేదు. నీకు నిన్న ఏం చెప్పాను.. నువ్వు ఏం చేశావు.. అంటూ ఆ వ్యక్తి యువతిపై కర్రతో ఇష్టానుసారంగా దాడికి దిగాడు. చివరికి ఈ వీడియో పోలీసులకు చేరినట్లు తెలుస్తోంది. యువతిపై దాడి చేసిన వ్యక్తి కోసం గాలిస్తున్నట్లు సమాచారం.

కాగా, ఇలా దారుణంలో రాష్ట్రంలో ఎన్నో జరుగుతున్నాయి. పోలీసులు చర్యలు చేపట్టి కటకటాల వెనక్కి నెట్టినా.. మానవ మృగాళ్లలో తీరు మారడం లేదు. ఇలాంటి దాడులకు దిగుతున్న యువకులపై పోలీసులు కూడా కఠినంగా వ్యవహరిస్తున్నారు.