గుంటూరులో పోలీసుల కామకేళి..తల్లీకూతుళ్లపై..

మోరల్‌గా, ఎథికల్‌గా, లీగల్‌గా బాధితులు పక్షాన నిలవాల్సిన వ్యక్తులు పోలీసులు. అయితే బాధితులకు అండగా నిలవాల్సిందిపోయి..వారిపైనే తమ పైశాచికత్వాన్ని చూపిస్తున్నారు కొందరు ఖాకీలు. అలాంటి వెదవల వల్ల యావత్ డిపార్ట్‌మెంట్‌కే బ్యాడ్ నేమ్ వస్తోంది. గుంటూరులోని ఓ స్టేషన్ ఎస్సై, కానిస్టేబుల్..మహిళలపై లైంగిక వేధింపులకు పాల్పడటం ఇప్పుడు సంచలనంగా మారింది. వివరాల్లోకి వెళ్తే..గుంటూరులోని శారదా కాలనీకి చెందిన మహిళను డేవిడ్ అనే యువకుడు ప్రేమించి పెళ్లి చేసుకుంటానని చెప్పి మోసం చేశాడు. దీంతో ఆమె స్థానిక పోలీస్ స్టేషన్ ఫిర్యాదు చేయడానికి వెళ్లింది. న్యాయం చేస్తానని, అండగా ఉంటానని చెప్పిన స్టేషన్ ఎస్సై ఆమెపై అత్యాచార యత్నం చేశాడు.

ఇక్కడ మరో దారుణమైన విషయం ఏంటంటే.. అదే స్టేషన్‌లో పనిచేస్తోన్న కానిస్టేబుల్ కూడా బాధితురాలి తల్లిని లాడ్జికి రమ్మంటూ పలుసార్లు వేధింపులకు గురిచేశాడు. దీంతో వారు గుంటూరు అర్బన్ ఎస్పీని ఆశ్రయించారు. ఆయన విచారణ జరిపి నిందితులపై చర్యలు తీసుకుంటామని చెప్పినట్టు సమాచారం.