Andhra Pradesh: స్నేహితుడిని మద్యానికి బానిస చేసి.. అతని భార్యకు మత్తు మందు ఇచ్చి.. ఆపై
స్నేహితుడు, అతని భార్య పట్ల ఓ వ్యక్తి దారుణంగా ప్రవర్తించిన ఉదంతం ఇది. ఆపదొస్తే ఆదుకోవాల్సిన స్నేహితుడే ఆ కుటుంబం పట్ల దుర్మార్గంగా వ్యవహరించాడు. ఫ్రెండ్ భార్యపై కన్నేసిన అతను.. అతని ఫ్రెండ్ ను తాగుడుకు బానిసయ్యేలా చేశాడు. అతని...
Updated on: Jun 24, 2022 | 7:01 AM
స్నేహితుడు, అతని భార్య పట్ల ఓ వ్యక్తి దారుణంగా ప్రవర్తించిన ఉదంతం ఇది. ఆపదొస్తే ఆదుకోవాల్సిన స్నేహితుడే ఆ కుటుంబం పట్ల దుర్మార్గంగా వ్యవహరించాడు. ఫ్రెండ్ భార్యపై కన్నేసిన అతను.. అతని ఫ్రెండ్ ను తాగుడుకు బానిసయ్యేలా చేశాడు. అతని భార్యకు మత్తు మందు ఇచ్చి అత్యాచారం చేశాడు. స్నేహితుడు చేసిన మోసాన్ని తట్టుకోలేని ఆ దంపతులిద్దరూ సూసైడ్ నోట్ రాసి.. పురుగుల మందు తాగి ఆత్మహత్యాయత్నానికి పాల్పడ్డారు. ఈ ఘటన స్థానికంగా సంచలనంగా మారింది. ఆంధ్రప్రదేశ్(Andhra Pradesh) లోని నెల్లూరు(Nellore) జిల్లాకు చెందిన ఓ వ్యక్తి తన భార్యతో కలిసి నివాసముంటున్నాడు. అతనికి షేక్ ఇలియాజ్ అనే స్నేహితుడు ఉన్నాడు. అతనికి, వీరి కుటుంబానికి పరిచయం ఉంది. దీన్ని అదనుగా తీసుకున్న ఇలియాజ్ తన స్నేహితుడి భార్యపై కన్నేశాడు. ఎలాగైనా ఆమెను తన వశం చేసుకోవాలని భావించాడు. దీంతో అతని స్నేహితుడిని మద్యానికి బానిసయ్యేలా చేశాడు. తర్వాత స్నేహితుడి భార్యకు మత్తు మందు ఇచ్చాడు. ఆమె స్పృహ తప్పి పడిపోయిన తర్వాత పలుమార్లు అత్యాచారం చేశాడు.
అంతటితో ఆగకుండా అత్యాచారం చేసిన సమయంలో ఫొటోలు, వీడియోలు తీశాడు. వాటిని సోషల్ మీడియాలో పెడతానని బెదిరిస్తున్నాడు. దీంతో తీవ్ర మనస్తాపానికి గురైన దంపతులిద్దరూ చనిపోవాలని నిర్ణయించుకురు. తమ చావుకు ఇలియాజ్ కారణమని, తమ మరణం తర్వాతైనా అతని శిక్ష పడాలని కోరుతూ సూసైడ్ నోట్ రాసి పురుగుల మందు తాగారు. వెంటనే అప్రమత్తమైన స్థానికులు దంపతులిద్దరినీ ఆస్పత్రికి తరలించారు. ప్రస్తుతం వారి పరిస్థితి విషమంగా ఉందని డాక్టర్లు చెప్పారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
మరిన్ని క్రైమ్ వార్తల కోసం ఈ లింక్ క్లిక్ చేయండి
