OTT కొత్త రూల్స్.. నిర్మాతలకు వరమా? శాపమా?

2020లో… ఒక సినిమా పూర్తయిందంటే… మొదటి ప్రశ్న… ‘ఏ OTTకి అమ్మారు?’. కానీ కరోనా తర్వాత… OTTలు నిర్మాతలకు కామదేనువులా కనిపించాయి. సినిమా పూర్తయింది… డైరెక్ట్‌గా Netflix… Amazon Prime… Disney+ Hotstar… లేదా JioHotstar… ఏదో ఒక ప్లాట్‌ఫామ్ కొనేస్తోంది.
రిస్క్ లేదు… థియేటర్ టెన్షన్ లేదు… పబ్లిసిటీ ఖర్చు తక్కువ. కానీ… 2026 నాటికి పరిస్థితి పూర్తిగా మారిపోయింది. ఇప్పుడు… OTTలు నిర్మాతల దగ్గరకు రావడం లేదు. నిర్మాతలే OTTల దగ్గరకు వెళ్లాల్సి వస్తోంది. అంతేకాదు… OTTలు ఇప్పుడు కొత్త కొత్త కండీషన్లు పెడుతున్నాయి. ‘ముందు థియేటర్ రిలీజ్ చేయండి.’ ‘కొన్ని వారాలు వెయిట్ చేయండి.’ ‘కలెక్షన్లు ఎలా ఉన్నాయో చూద్దాం.’ ‘సినిమా బజ్ ఉంటేనే కొనుగోలు.’ అయితే ఇలా ఎందుకు జరుగుతోంది? OTTలు ఇలా ఎందుకు మారాయి? దీని వెనుక బిజినెస్ మోడల్ ఏంటి? ప్రొడ్యూసర్లు ఎలా డబ్బు సంపాదిస్తున్నారు? థియేటర్ల భవిష్యత్తు ఏంటి? ఈ రోజు ఈ వీడియోలో పూర్తిగా తెలుసుకుందాం.

OTT Gold Rush 2020
కరోనా. థియేటర్లు మూసివేత. ప్రేక్షకులు ఇంట్లో. OTTలకు భారీ బూమ్. అప్పుడు Netflix… Amazon Prime… Disney+ Hotstar… ZEE5… SonyLIV… Aha… అందరూ ఒకరితో ఒకరు పోటీ పడ్డారు. ఎక్కువ సినిమాలు కొనాలి. ఎక్కువ సబ్‌స్క్రైబర్లను సంపాదించాలి. అందుకే.. పూర్తి కాని సినిమాలకే అడ్వాన్స్‌లు ఇచ్చారు. కొన్ని సినిమాలు థియేటర్ ముఖం కూడా చూడకుండా కోట్ల రూపాయలకు అమ్ముడయ్యాయి. నిర్మాతలకు అది గోల్డెన్ పీరియడ్.

ఇప్పుడు ఎందుకు మారింది?
2022 నుంచి… OTT కంపెనీలు ఒక విషయం గ్రహించాయి. ఎక్కువ సినిమాలు కొన్నా… చూసేవాళ్లు చాలా తక్కువ. డేటా ఏం చెప్పిందంటే.. 100 సినిమాలు కొంటే… అందులో 5 లేదా 10 మాత్రమే భారీ వ్యూస్ తెస్తున్నాయి. మిగతావి… లైబ్రరీలోనే ఉండిపోతున్నాయి. అంటే… కోట్ల రూపాయలు పెట్టి కొనడం వల్ల… రిటర్న్ రావడం లేదు. అక్కడే రూల్స్ మారడం ప్రారంభమైంది.

OTTలు తీసుకొచ్చిన కొత్త రూల్స్ ఏంటి?
రూల్ నెంబర్ 1 – Theatrical Release Preferred.
ఇప్పుడు చాలా OTTలు… ముందు థియేటర్ రిలీజ్ చేయమంటున్నాయి.
ఎందుకంటే… థియేటర్లో రిలీజ్ అయితే… ప్రేక్షకుల్లో అవేర్‌నెస్ వస్తుంది. రివ్యూలు వస్తాయి. సోషల్ మీడియా బజ్ వస్తుంది. అవి OTT వ్యూస్‌ను కూడా పెంచుతాయి.

రూల్ నెంబర్ 2 – Minimum Theatrical Window
ఒకప్పుడు… నాలుగు వారాలు.. తర్వాత… మూడు వారాలు. కొన్ని చిన్న సినిమాలకు… రెండు వారాలు కూడా సరిపోతుంది. కొన్ని సందర్భాల్లో… OTTలు సినిమా పనితీరు ఆధారంగా విండోను నిర్ణయిస్తున్నాయి. దాన్నే పక్కాగా అమలు చేస్తున్నారు.

రూల్ నెంబర్ 3 – Performance Based Pricing
ముందు… సినిమా రిలీజ్ కాకముందే రేటు ఫిక్స్. ఇప్పుడు… బాక్సాఫీస్ చూస్తారు. టాక్ చూస్తారు. సోషల్ మీడియా ట్రెండ్ చూస్తారు. తర్వాత డీల్ చేస్తారు.

రూల్ నెంబర్ 4 – Content Quality Control
ప్రతీ సినిమా కొనరు. స్క్రిప్ట్. జానర్. స్టార్ వాల్యూ. ట్రైలర్ రెస్పాన్స్. అన్నీ చూస్తారు. ఆ తరువాతే ఏ నిర్ణయం అయినా.. !

OTTలోకి వచ్చిన తర్వాత… కొన్ని ఒప్పందాల్లో ఇతర డిజిటల్ వినియోగాలపై కూడా పరిమితులు ఉంటాయి. అది కూడా ఓటీటీ రూల్స్ మారడానికి ఒక్‌ ప్రధాన కారణం అని చెప్పొచ్చు.

Hybrid Release అంటే ఏమిటి?
Hybrid అంటే… థియేటర్ + OTT. కానీ… ఒకే రోజు రిలీజ్ కాదు. ఇప్పుడు సాధారణంగా… ముందు థియేటర్. తర్వాత OTT. కొన్ని సందర్భాల్లో…
ప్రాంతాల వారీగా వేర్వేరు వ్యూహాలు కూడా అమలు చేస్తారు.అంటే ఏ సినిమానైనా ముందు థియేటర్లో రిలీజ్ చేశాకే ఓటీటీలో స్ట్రీమింగ్ చేస్తారు. దాని వల్ల ఆ సినిమా ప్రమోషన్ బాధ్యతను మేకర్స్ నెత్తిన పెడుతున్నారు సదరు ఓటీటీ సంస్థలు.

Short Theatrical Window ఎందుకు?
పెద్ద సినిమాకు మొదటి రెండు వారాల్లోనే… 70% వరకు కలెక్షన్లు వస్తున్నాయి. మూడో వారం నుంచి డ్రాప్. అప్పుడు… ఎందుకు ఎక్కువ రోజులు వేచి ఉండాలి? త్వరగా OTTలో పెడితే… కొత్త ప్రేక్షకులు వస్తారుగా. ఈ ఆలోచనతోనే ఓటీటీలు షార్ట్ థియేట్రిక్ విండో రూల్‌ను మేకర్స్ నెత్తిన రుద్దుతున్నాయి.

నిర్మాత ఎలా క్యాష్ చేసుకుంటాడు?
ఇప్పుడు నిర్మాతకు వచ్చే ప్రధాన ఆదాయ వనరులు:
*థియేట్రికల్ రైట్స్,
*ఓవర్సీస్
*OTT
* శాటిలైట్
* మ్యూజిక్
* డబ్బింగ్ హక్కులు
* ఎయిర్‌లైన్ / ఇన్-ఫ్లైట్
* రీమేక్ రైట్స్

ఇప్పుడు నిర్మాత సినిమా రిలీజ్ కాకముందే.. ఈ హక్కుల ద్వారా పెద్ద మొత్తాన్ని రికవరీ చేసే ప్రయత్నం చేస్తారు. చేస్తున్నాడు.

OTTలకు లాభం ఏమిటి?
OTTలు ఇప్పుడు సినిమాలు కొనడం కాదు. Audienceని కొనుగోలు చేస్తున్నాయి. ఒక సినిమా వల్ల… కొత్త సబ్‌స్క్రైబర్లు వస్తారా? వాళ్లు సబ్‌స్క్రిప్షన్ కొనసాగిస్తారా? అంటే అదే అసలు లెక్క. అందుకే… ప్రతి సినిమాపై భారీ పెట్టుబడి పెట్టడం తగ్గించాయి ఓటీటీలు. ఆచితూచి మరీ కంటెంట్‌ను కొనుగోలు చేస్తున్నాయి. ఆ కొనుగోలులో కూడా సరికొత్త మార్పులను తీసుకొస్తూ.. నష్టాలను తప్పించుకుంటున్నాయి.

థియేటర్లకు లాభమా? నష్టమా?
థియేటర్లకు లాభమా? నష్టమా? అంటే చాలా వరకు లాభమే అని చెప్పొచ్చు. ఎందుకంటే… OTT వెంటనే రాకపోతే… ప్రేక్షకులు థియేటర్‌కి వెళ్లే అవకాశం పెరుగుతుంది. దీంతో థియేటర్ బతుకుతుంది. ఆ వ్యవస్థ కూడా బాగుపడుతుంది. థియేటర్ వ్యవస్థ బతికితే మేకర్స్ కూడా ఓ రకంగా హెల్తీగా ఉంటూనే .. సరికొత్తగా సినిమాలు చేస్తారు.

మరిన్ని వీడియోల కోసం ఇక్కడ క్లిక్ చేయండి

Also Watch:

పుర్రె తెరవకుండానే బ్రెయిన్ సర్జరీ.. భారత సంతతి డాక్టర్ అద్భుతం!

Chicken Manchurian: మంచూరియా చైనా వంటకం కాదు.. మన ఇండియాదే.. ఏ ఊరిదో తెలుసా?

విదేశాల్లో వర్క్‌ చేయాలనుకునేవారికి గుడ్‌ న్యూస్‌!

లేడీ ఏసీపీ సాహసం… కదులుతున్న బస్సుకు ఎదురుగా నిలబడి

ఆహా స్కెచ్‌ అంటే నీదే బాస్‌.. అప్పు తీర్చడానికి ఏం ప్లాన్‌ చేసాడు..!