US Firing: కాలిఫోర్నియాలో విచక్షణారహిత కాల్పులు.. 13 మంది మృతి, పలువురికి గాయాలు

అమెరికాలో మరోసారి కాల్పుల మోతతో దద్దరిల్లింది. సాక్రమెంటో ప్రాంతంలో జరిగిన కాల్పుల్లో 13 మరణించారు.

Sacramento Shooting

Balaraju Goud |
Updated on: Apr 03, 2022 | 6:32 PM

California mass Firing: అమెరికా(America)లో మరోసారి కాల్పుల మోతతో దద్దరిల్లింది. సాక్రమెంటో(Sacramento) ప్రాంతంలో జరిగిన కాల్పుల్లో 13 మరణించారు. మరి కొందరు తీవ్రంగా గాయపడ్డారు. కాలిఫోర్నియాలోని శాక్రమెంటో 10వ J స్ట్రీట్స్ ప్రాంతంలో కాల్పులు జరిగినట్లు పోలీసు ప్రతినిధి తెలిపారు. స్థానిక కాలమానం ప్రకారం ఆదివారం వేకువజామున ఈ ఘటన జరిగింది. విచక్షణారహితంగా కాల్పులు జరుపుతున్న శబ్దం వినిపించిందని స్థానికులు తెలిపారు. అయితే,15 సెకన్లలో 50 రౌండ్ల కాల్పులు జరిగినట్లు పేర్కొన్నారు. దీంతో అనేక మంది ప్రజలు భయంతో వీధుల్లో పరుగులు తీస్తున్న దృశ్యాలు సోషల్ మీడియాలో వైరల్‌గా మారాయి. కాల్పుల సమాచారం అందిన వెంటనే పోలీసులు రంగంలోకి దిగారు. బాధితులను అంబులెన్సుల్లో ఆస్పత్రులకు తరలించారు. ఈ ఘటన వెనుక ఎవరున్నారు, కారణాలేంటో ఇంకా తెలియలేదు.

కాగా, శనివారం సాయంత్రం వర్జీనియా మాల్‌లో జరిగిన కాల్పుల్లో ఒక వ్యక్తి మరణించగా, ఇద్దరు మహిళలు గాయపడిన గంటల తర్వాత ఈ దారుణం జరిగింది. శాక్రమెంటోలోని పోలీసులు మాట్లాడుతూ, రద్దీగా ఉండే డౌన్‌టౌన్ ప్రాంతంలో కాల్పులు జరిగిన తర్వాత అనేక మంది ప్రాణాలు కోల్పోయారని చెప్పారు. బాధితుల పరిస్థితి వెంటనే తెలియరాలేదు.