అన్‌లాక్‌ 2.0 : త్వరలో అంతర్జాతీయ విమాన సేవలు

అన్‌లాక్‌ 2.0 మొదలైంది. ఇందులో భాగంగా అంతర్జాతీయ విమాన సర్వీసులను దశలవారీగా ప్రారంభించేందుకు ఏర్పాట్లు వేగంగా సాగుతున్నాయి. కరోనా మహమ్మారి కట్టడి కోసం దేశవ్యాప్త లాక్‌డౌన్‌తో మార్చి చివరివారం నుంచి దేశ, అంతర్జాతీయ విమాన సర్వీసులు నిలిచిపోయిన సంగతి తెలిసిందే.

రెండు నెలల అనంతరం పరిమిత రూట్లలో దేశీయ విమాన సేవలకు అనుమతించింది కేంద్రం. అయితే  అంతర్జాతీయ విమాన సర్వీసుల నిలిపివేత కొనసాగుతోంది. కాగా లాక్‌డౌన్‌ సమయంలో విదేశాల్లో చిక్కుకున్న భారతీయులను స్వదేశానికి తరలించేందుకు ఎయిర్‌ ఇండియా ప్రత్యేక విమానాలను నడిపింది. వందే భారత్‌ మిషన్‌లో భాగంగా 50కి పైగా దేశాల నుంచి పెద్దసంఖ్యలో భారతీయులను స్వదేశానికి రప్పించింది.