తెలంగాణ రాష్ట్ర మంత్రికి కరోనా… తనను కలిసిన ప్రతీ ఒక్కరు కరోనా టెస్ట్ చేయించుకోవాలని సూచన…
''ఆర్టీపీసీఆర్ పరీక్షల్లో నాకు కోవిడ్ పాజిటివ్ అని తేలింది. హోం ఐసోలాషన్ లో ఉన్నాను. ఆందోళన చెందాల్సిన పని లేదు. మళ్ళీ యధావిధిగా అన్ని కార్యక్రమాల్లో పాల్గొంటాను'' అని మంత్రి పువ్వాడ అజయ్ ట్విట్టర్ వేదికగా తెలిపారు.
Updated on: Dec 15, 2020 | 11:39 AM
”ఆర్టీపీసీఆర్ పరీక్షల్లో నాకు కోవిడ్ పాజిటివ్ అని తేలింది. దయచేసి నాకు ఫోన్ చేయడానికీ, కలుసుకోవడానికీ ప్రయత్నించకండి. నాతో కార్యక్రమాల్లో పాల్గొన్న ప్రతి ఒక్కరు టెస్ట్ చేసుకోవాలని మనవి. హోం ఐసోలాషన్ లో ఉన్నాను. ఆందోళన చెందాల్సిన పని లేదు. మళ్ళీ యధావిధిగా అన్ని కార్యక్రమాల్లో పాల్గొంటాను” అని మంత్రి పువ్వాడ అజయ్ ట్విట్టర్ వేదికగా తెలిపారు. కాగా, రెండు రోజుల క్రితం ఇద్దరు ఎమ్మెల్యేలు ఒకేసారి కరోనా వైరస్ బారిన పడ్డారు. మహబూబ్ నగర్ జిల్లా మక్తల్ ఎమ్మెల్యే రామ్మోహన్ రెడ్డికి, దేవరకద్ర ఎమ్మెల్యే ఆల వెంకటేశ్వర్ రెడ్డికి ఇద్దరికీ కరోనా పాజిటివ్ అని తేలింది. ఈ ఇద్దరూ హైదరాబాద్ లోని ఓ ప్రయివేట్ ఆసుపత్రిలో చికిత్స పొందుతున్నట్టు సమాచారం.
#RTPCR పరీక్షల్లో నాకు #COVID పాజిటివ్ అని తేలింది.దయచేసి నాకు ఫోన్ చేయడానికీ, కలుసుకోవడానికీ ప్రయత్నించకండి. నాతో కార్యక్రమాల్లో పాల్గొన్న ప్రతి ఒక్కరు టెస్ట్ చేసుకోవాలని మనవి. హోం ఐసోలాషన్ లో ఉన్నాను. ఆందోళన చెందాల్సిన పని లేదు. మళ్ళీ యధావిధిగా అన్ని కార్యక్రమాల్లో పాల్గొంటాను.
— Ajay Kumar Puvvada (@puvvada_ajay) December 15, 2020
మరోవైపు తెలంగాణలో కరోనా మహమ్మారి రోజు రోజుకు వేగంగా వ్యాప్తి చెందుతోంది. కేసుల సంఖ్య భారీ స్థాయిలో నమోదవుతున్నాయి. ఇప్పటికే రాష్ట్రంలో కరోనా కేసులు రెండు లక్షలు డెబ్బై ఐదు వేలు దాటిపోయాయి. తెలంగాణలో కొత్తగా 491 కరోనా కేసులు నమోదయ్యాయి. దీంతో తెలంగాణలో నమోదైన మొత్తం కరోనా కేసుల సంఖ్య 2,78,599కి చేరింది. ఇందులో 2,69,828 మంది కోలుకొని డిశ్చార్జ్ కాగా, 7,272 కేసులు యాక్టివ్ గా ఉన్నాయి. తెలంగాణలో కరోనాతో ముగ్గురు మృతి చెందగా, ఈ సంఖ్య మొత్తం 1499కి చేరింది.
