UGC: కాలేజీ, యూనివర్సీటీలకు UGC కీలక ఆదేశాలు.. కొత్త మార్గదర్శకాలు విడుదల..

UGC: యూనివర్సిటీ గ్రాంట్స్ కమిషన్ (యూజీసీ) కీలక ఆదేశాలు జారీ చేసింది. దేశంలోని అన్ని కాలేజీలు, యూనివర్సిటీలు ప్రత్యక్ష తరగతులను తిరిగి ప్రారంభించుకోవచ్చని ప్రకటించింది.

uppula Raju |
Updated on: Feb 12, 2022 | 7:43 AM

UGC: యూనివర్సిటీ గ్రాంట్స్ కమిషన్ (యూజీసీ) కీలక ఆదేశాలు జారీ చేసింది. దేశంలోని అన్ని కాలేజీలు, యూనివర్సిటీలు ప్రత్యక్ష తరగతులను తిరిగి ప్రారంభించుకోవచ్చని ప్రకటించింది. కరోనా కారణంగా గత కొన్ని రోజులుగా ఆన్‌లైన్‌ క్లాసులు నిర్వహిస్తున్న సంగతి తెలిసిందే. ఇప్పుడు కొవిడ్‌ కేసులు తగ్గుముఖం పట్టడంతో కొత్త మార్గదర్శకాలు జారీ చేసింది. ‘‘రాష్ట్రాలు, కేంద్ర పాలిత ప్రాంతాల్లో కొవిడ్‌ పరిస్థితులను దృష్టిలో పెట్టుకొని కళాశాలలు, యూనివర్సిటీలు క్యాంపస్‌లను తెరవొచ్చు. ఆఫ్‌లైన్‌, ఆన్‌లైన్‌ లేదా రెండు రకాలుగా తరగతులు, పరీక్షలు నిర్వహించుకోవచ్చు. ఈ క్రమంలో కేంద్ర, రాష్ట్ర ప్రభుత్వాలు జారీ చేసిన కొవిడ్‌ నిబంధనలను పాటించడం తప్పనిసరి’’ అని తెలిపింది. ప్రస్తుతం కొనసాగుతున్న ఆన్‌లైన్‌ తరగతుల నుంచి తిరిగి పాత విధానంలోకి మార్చుకోవచ్చని సూచించింది. ఇక ప్రభుత్వం పాఠశాలలు, కళాశాలల పునఃప్రారంభానికి గతంలోనే అనుమతులు జారీ చేసిన సంగతి తెలిసిందే.

ఇటీవల యూజీసీ డిజీలాకర్ ద్వారా పొందే విద్యార్హత మార్కు షీట్లను చట్టబద్ధమైన పత్రాలుగా పరిగణించాలని తెలిపింది. కళాశాలలు వాటిని గుర్తించాలని ఆదేశాలు జారీ చేసింది. ఇప్పటికే పలు రాష్ట్ర, కేంద్ర విద్యా బోర్డులు డిజిటల్ డాక్యుమెంట్లనే అందిస్తున్నాయి. సెంట్రల్ బోర్డ్ ఆఫ్ సెకండరీ ఎడ్యుకేషన్ సహా పలు విశ్వవిద్యాలయాలు, ఉన్న విద్యా సంస్థలు.. సర్టిఫికెట్లు, ట్రాన్స్‌ఫర్ సర్టిఫికెట్లను డిజిటల్‌ రూపంలోనే అందిస్తున్నాయి. అయితే డ్యాకుమెంట్లను డిజిటల్ రూపంలో పొందేందుకు విద్యార్థులు డిజీలాకర్ యాప్‌ను డౌన్‌లోడ్‌ చేసుకోవాల్సి ఉంటుంది.