TSPSC: తెలంగాణలో నిరుద్యోగులకు మరో శుభవార్త.. పశుసంవర్ధక శాఖలో ఉద్యోగాలకు నోటిఫికేషన్‌.

తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ఇటీవల ఉద్యోగాల భర్తీకి వరుసగా నోటిఫికేషన్స్‌ జారీ చేస్తూ వస్తోంది. ఈ నేపథ్యంలో ఇప్పటికే పలు ఉద్యోగాల భర్తీకి నోటిఫికేషన్‌ జారీ చేసిన టీఎస్‌పీఎస్సీ తాజాగా మరో నోటిఫికేషన్‌ను విడుదల చేసింది...

Tspsc Jobs

Narender Vaitla |

Updated on: Dec 23, 2022 | 5:25 PM

తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ఇటీవల ఉద్యోగాల భర్తీకి వరుసగా నోటిఫికేషన్స్‌ జారీ చేస్తూ వస్తోంది. ఈ నేపథ్యంలో ఇప్పటికే పలు ఉద్యోగాల భర్తీకి నోటిఫికేషన్‌ జారీ చేసిన టీఎస్‌పీఎస్సీ తాజాగా మరో నోటిఫికేషన్‌ను విడుదల చేసింది. వెటర్నరీ అండ్‌ పశుసంవర్ధక శాఖలో 185 వెటర్నరీ అసిస్టెంట్ సర్జన్(క్లాస్-ఎ & బి)పోస్టుల భర్తీకి నోటిఫికేషన్‌ జారీ చేసింది. మల్టీజోన్‌-1, మల్టీజోన్‌-2లో ఖాళీలను భర్తీ చేయనుంది. ఏయే విభాగాల్లో ఎన్ని ఖాళీలు ఉన్నాయి.. ఎలా దరఖాస్తు చేసుకోవాలి? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 185 ఖాళీలను భర్తీ చేయనున్నారు.

* వీటిలో వెటర్నరీ అసిస్టెంట్ సర్జన్ (క్లాస్-ఎ) 170, వెటర్నరీ అసిస్టెంట్ సర్జన్ (క్లాస్‌-బి) (15) పోస్టులు ఉన్నాయి.

ఇవి కూడా చదవండి

* వెటర్నరీ అసిస్టెంట్ సర్జన్‌ (క్లాస్‌-ఎ) పోస్టులకు దరఖాస్తు చేసుకునే అభ్యర్థులు బ్యాచిలర్ డిగ్రీ (వెటర్నరీ సైన్సెస్, యానిమల్ హస్బెండరీ) లేదా తత్సమాన విద్యార్హత కలిగి ఉండాలి. వెటర్నరీ అసిస్టెంట్ సర్జన్ (క్లాస్-బి) పోస్టులకు దరఖాస్తు చేసుకునే అభ్యర్థులు బ్యాచిలర్ డిగ్రీ (వెటర్నరీ సైన్సెస్, యానిమల్ హస్బెండరీ), పోస్ట్ గ్రాడ్యుయేషన్ లేదా పీజీ డిప్లొమా(మైక్రోబయాలజీ/ పారాసిటాలజీ/ ఎపిడెమియాలజీ/ వైరాలజీ/ ఇమ్యునాలజీ/ పాథాలజీ) లేదా మాస్టర్స్ డిగ్రీ(వెటర్నరీ సైన్స్) లేదా ఎంవీఎస్సీ(వెటర్నరీ పబ్లిక్ హెల్త్‌) ఉత్తీర్ణత సాధించి ఉండాలి.

* అభ్యర్థుల వయసు 01-07-2022 నాటికి 18 నుంచి 44 ఏళ్ల మధ్య ఉండాలి.