TREIRB JL and DL Results 2024: తెలంగాణ గురుకుల జేఎల్‌, డీఎల్‌ పరీక్షల ఫలితాలు విడుదల.. ఒక్క క్లిక్‌తో ఇక్కడ నేరుగా రిజల్ట్స్‌ చెక్‌ చేసుకోండి

TREIRB JL and DL Results 2024

హైదరాబాద్‌, మార్చి 1: తెలంగాణ సంక్షేమ గురుకుల జూనియర్‌ కాలేజీల్లో జూనియర్‌ లెక్చరర్‌ పోస్టుల భర్తీకి నిర్వహించిన రాత పరీక్ష ఫలితాలు గురువారం (ఫిబ్రవరి 29) విడుదలయ్యాయి. ఈ మేరకు ఫలితాలను గురుకుల నియామక బోర్డు అధికారిక వెబ్‌సైట్‌లో అందుబాటులో ఉంచింది. మొత్తం 1,924 పోస్టుల భర్తీకి గానూ ఈ నియామక ప్రక్రియ చేపట్టింది. జేఎల్‌ పోస్టులకు ఎంపికైన వారి ప్రాథమిక ఎంపిక జాబితాలను సబ్జెక్టుల వారీగా వెబ్‌సైట్‌లో పొందు పరిచారు. జేఎల్‌ రాత పరీక్షలకు హాజరైన అభ్యర్ధులు ఈ కింది లింక్‌ల ద్వారా నేరుగా ఫలితాను చెక్‌ చేసుకోవచ్చు. కాగా గతేడాది ఆగస్టు 3 నుంచి 23వ తేదీ వరకు జూనియర్‌ లెక్చరర్‌ పోస్టులకు రాత పరీక్ష జరిగిన విషయం తెలిసిందే. దివ్యాంగుల కేటగిరీకి సంబంధించిన ఫలితాలు త్వరలోనే ప్రకటించనున్నట్లు బోర్డు ఈ సందర్భంగా వెల్లడించింది.

తెలంగాణ జేఎల్‌ పోస్టులకు ఎంపికైన వారి ప్రాథమిక జాబితాలు సబ్జెక్టుల వారీగా ఇక్కడ చెక్‌ చేసుకోవచ్చు..

• మ్యాథ్స్‌, ఫిజిక్స్‌, కెమిస్ట్రీ సబ్జెక్టుల జేఎల్‌ ఫలితాల కోసం ఇక్కడ క్లిక్‌ చేయండి
• సివిక్స్‌, ఎకనామిక్స్‌, హిస్టరీ, కామర్స్‌ సబ్జెక్టుల జేఎల్‌ ఫలితాల కోసం ఇక్కడ క్లిక్‌ చేయండి
• తెలుగు, హిందీ, ఉర్దూ సబ్జెక్టుల జేఎల్‌ ఫలితాల కోసం ఇక్కడ క్లిక్‌ చేయండి
• ఇంగ్లిష్‌ సబ్జెక్టు జేఎల్‌ ఫలితాల కోసం ఇక్కడ క్లిక్‌ చేయండి

తెలంగాణ గురుకుల డిగ్రీ లెక్చరర్‌ 2024 పోస్టుల ఫలితాలు విడుదల..

తెలంగాణ సంక్షేమ గురుకుల డిగ్రీ కాలేజీల్లో లెక్చరర్‌ పోస్టులకు ఎంపికైన అభ్యర్థుల ప్రాథమిక జాబితాను గురుకుల నియామక బోర్డు విడుదల చేసింది. మొత్తం 22 సబ్జెక్టులకు గానూ ఈ పరీక్ష నిర్వహించింది. సబ్జెక్టుల వారీగా జాబితాలను అధికారిక వెబ్‌సైట్‌లో బోర్డు పొందుపరిచింది. దివ్యాంగుల కేటగిరీ ఫలితాలు త్వరలో ప్రకటిస్తామని తెలిపింది. కాగా తెలంగాణ రాష్ట్ర వ్యాప్తంగా ఉన్న గురుకుల డిగ్రీ కాలేజీల్లో 793 డిగ్రీ లెక్చరర్‌ పోస్టుల భర్తీకి ఈ నియామక ప్రక్రియ చేపడుతోంది. సంక్షేమ గురుకులాల్లో 1924 జూనియర్‌ లెక్చరర్‌ పోస్టుల ఫలితాలను కూడా గురువారం బోర్డు వెల్లడించిన సంగతి తెలిసిందే. ఈ మేరకు గురుకుల నియామక బోర్డు కసరత్తు పూర్తిచేసింది.

మరిన్ని విద్యా, ఉద్యోగ కథనాల కోసం క్లిక్‌ చేయండి.