TG TET 2026 Exam Dates: తెలంగాణ టెట్ రాత పరీక్షల షెడ్యూల్‌ వచ్చేసిందోచ్.. ఏ పరీక్ష ఏ రోజంటే?

హైదరాబాద్‌, డిసెంబర్‌ 16: తెలంగాణలో ఉపాధ్యాయ అర్హత పరీక్ష షెడ్యూల్‌ను పాఠశాల విద్యా విభాగం విడుదల చేసింది. ఇప్పటికే పేపర్ వన్, పేపర్ 2 కు మొత్తం 2.37 లక్షల మంది అభ్యర్థులు దరఖాస్తున్నారు. ఈ టెట్ పరీక్షలు, జనవరి 3, 2026 నుండి జనవరి 20, 2026 వరకు జరగనున్నాయి. రాష్ట్రవ్యాప్తంగా టెట్ పరీక్షలు కేవలం 9 రోజుల్లో, మొత్తం 15 సెషన్లలో కంప్యూటర్ ఆధారిత పరీక్ష (CBT) విధానంలో నిర్వహించనున్నారు. ప్రతిరోజు పరీక్షలు రెండు సెషన్లలో జరుగుతాయి. మొదటి సెషన్ (ఉదయం): ఉదయం 9:00 గంటల నుంచి 11:30 గంటల వరకు, రెండో సెషన్ (మధ్యాహ్నం): మధ్యాహ్నం 2:00 గంటల నుంచి సాయంత్రం 4:30 గంటల వరకు జరగనుంది.

ప్రతి సెషన్ పరీక్షకు అభ్యర్థులకు 2 గంటల 30 నిమిషాల సమయం కేటాయించారు. జిల్లా వారీగా పూర్తి వివరాలు వెబ్‌సైట్‌లో ఏ రోజు ఏ జిల్లా అభ్యర్థులకు పరీక్షలు జరుగుతాయి అనే పూర్తి షెడ్యూల్‌ను పాఠశాల విద్యాశాఖ అధికారిక వెబ్‌సైట్‌లో పొందుపరిచింది. అభ్యర్థులు తమ పరీక్షా తేదీ, సమయం, కేంద్రాన్ని తెలుసుకోవడానికి వెబ్‌సైట్‌ను సందర్శించి హాల్ టికెట్లను డౌన్‌లోడ్ చేసుకోవాలని విద్యాశాఖ సూచించింది. అభ్యర్థులు ఈ షెడ్యూల్‌ను దృష్టిలో ఉంచుకుని, పరీక్షలకు సన్నద్ధం కావాలని, పరీక్షా కేంద్రాలకు సకాలంలో చేరుకోవాలని అధికారులు కోరారు.

తెలంగాణ టెట్ ఎగ్జామ్ 2026 షెడ్యూల్ ఇదే..

• జనవరి 3న రెండు సెషన్స్ లో మ్యాథమాటిక్స్ అండ్ సైన్స్ పేపర్ 2 పరీక్ష
• జనవరి 4న రెండు సెషన్స్ లో మ్యాథమాటిక్స్ అండ్ సైన్స్ పేపర్ 2 పరీక్ష
• జనవరి 5న రెండు సెషన్స్ లో సోషల్ స్టడీస్ పేపర్ 2 పరీక్ష
• జనవరి 6న రెండు సెషన్స్ లో సోషల్ స్టడీస్ పేపర్ 2 పరీక్ష
• జనవరి 8న రెండు సెషన్స్ లో పేపర్-1 పరీక్ష
• జనవరి 9న పేపర్-1 పరీక్ష (ఒక్క సెషన్ మాత్రమే)
• జనవరి 11న రెండు సెషన్స్ లో పేపర్-1 పరీక్ష
• జనవరి 19న పేపర్-1 (మైనర్) పరీక్ష (ఒక్క సెషన్ మాత్రమే)
• జనవరి 20 పేపర్-2 పరీక్ష మ్యాథమాటిక్స్ అండ్ సైన్స్స సోషల్ స్టడీస్ (ఒక్క సెషన్ మాత్రమే)

తెలంగాణ టెట్ 2026 అధికారిక వెబ్‌సైట్‌ కోసం ఇక్కడ క్లిక్‌ చేయండి.

ఇవి కూడా చదవండి

ఈ ఎర్ర ముత్యాలు.. 3 వారాలు రోజూ ఓ కప్పు తింటే జరిగే మ్యాజిక్‌ ఇదే

ఈ పందిగాడికి లక్షల కట్నం, ఖరీదైన కారు కావాలట.. వధువు ట్విస్ట్!

అఖండ 2 క్లైమాక్స్‌ చూస్తూ థియేటర్‌లో మహిళకు పూనకం! వీడియో వైరల్

మరోవారంలో MAT 2025 రాత పరీక్ష.. దరఖాస్తుకు మరికొన్ని గంటలే ఛాన్స్

మరిన్ని విద్యా, ఉద్యోగ కథనాల కోసం క్లిక్‌ చేయండి.