ISRO స్పేస్ క్విజ్లో పదో తరగతి బాలుడి సత్తా.. అహ్మదాబాద్ జాతీయ సదస్సుకు ఆహ్వానం
ఇస్రో, ఎన్సీఈఆర్టీ సంయుక్తంగా నిర్వహించిన ‘విక్రమ్ సారాభాయ్ అంతరిక్ష క్విజ్’లో సూర్యాపేట జిల్లా కోదాడకు చెందిన 10వ తరగతి విద్యార్థి కత్తి అక్షయ్రెడ్డి ప్రతిభ కనబరిచాడు. దేశవ్యాప్తంగా క్విజ్లో అత్యుత్తమ ప్రతిభ చూపిన 30 మంది విద్యార్థుల్లో అక్షయ్రెడ్డిని ఎంపిక చేశారు. జాతీయ అంతరిక్ష దినోత్సవం సందర్భంగా అహ్మదాబాద్లో నిర్వహించే అంతరిక్ష సదస్సుకు ఆయనకు ఆహ్వానం అందింది..
Updated on: Aug 23, 2026 | 4:02 PM
హైదరాబాద్, ఆగస్ట్ 23: తెలంగాణకు చెందిన విద్యార్థి అంతరిక్ష విజ్ఞానంలో తన ప్రతిభను చాటుకున్నాడు. భారత అంతరిక్ష పరిశోధన సంస్థ (ఇస్రో), జాతీయ విద్యా పరిశోధన శిక్షణ సంస్థ (ఎన్సీఈఆర్టీ) సంయుక్తంగా నిర్వహించిన ‘విక్రమ్ సారాభాయ్ అంతరిక్ష క్విజ్’ పోటీల్లో సూర్యాపేట జిల్లా కోదాడకు చెందిన విద్యార్థి ప్రతిభ కనబరిచి జాతీయ స్థాయి అంతరిక్ష సదస్సుకు ఎంపికయ్యాడు. దేశవ్యాప్తంగా పాఠశాల విద్యార్థుల కోసం ఈ నెల 17న ఆన్లైన్ విధానంలో అంతరిక్ష క్విజ్ పోటీలను నిర్వహించారు. ఈ పోటీల్లో కోదాడలోని తేజ విద్యాలయానికి చెందిన కత్తి అక్షయ్రెడ్డి (10వ తరగతి) అత్యుత్తమ ప్రతిభ కనబరిచాడు.
అహ్మదాబాద్ సదస్సుకు ఎంపిక
క్విజ్లో ప్రతిభ చూపిన దేశవ్యాప్తంగా 30 మంది విద్యార్థులను ఎంపిక చేసి జాతీయ అంతరిక్ష దినోత్సవం సందర్భంగా నిర్వహించే ప్రత్యేక అంతరిక్ష సదస్సుకు ఆహ్వానించినట్లు పాఠశాల యాజమాన్యం తెలిపింది. ఆదివారం అహ్మదాబాద్లో నిర్వహించనున్న ఈ అంతరిక్ష సదస్సులో అక్షయ్రెడ్డి పాల్గొననున్నాడు. ఇస్రో, ఎన్సీఈఆర్టీ నిర్వహించిన జాతీయ స్థాయి పోటీలో ప్రతిభ చూపి సదస్సుకు ఎంపిక కావడం పట్ల విద్యార్థి, తల్లిదండ్రులు, ఉపాధ్యాయులు హర్షం వ్యక్తం చేశారు. అక్షయ్రెడ్డి ఎంపికైన విషయాన్ని పాఠశాల ప్రిన్సిపల్ రమాదేవి, డైరెక్టర్ సోమిరెడ్డి శనివారం వెల్లడించారు. విద్యార్థి ప్రతిభను వారు అభినందించారు. అంతరిక్ష విజ్ఞానంపై విద్యార్థుల్లో ఆసక్తిని పెంపొందించేందుకు ఇలాంటి జాతీయ స్థాయి పోటీలు ఎంతో దోహదపడతాయని పేర్కొన్నారు. విక్రమ్ సారాభాయ్ పేరుతో నిర్వహించిన ఈ క్విజ్లో ప్రతిభ కనబరచి జాతీయ స్థాయి సదస్సుకు ఎంపిక కావడం అక్షయ్రెడ్డి విద్యా ప్రస్థానంలో మరో విశేషంగా నిలిచింది.
