విజయవాడలో భారీ మోసం.. పోలీసులమంటూ.. రూ.10 కోట్లు కొట్టేశారు!

విజయవాడలో డిజిటల్ అరెస్ట్ పేరుతో సైబర్ నేరగాళ్లు భారీ మోసానికి పాల్పడ్డారు. పోలీసులమంటూ బెదిరించి, ఒక 81 ఏళ్ల రిటైర్డ్ ఇంజినీర్ నుండి ఏకంగా రూ.10 కోట్లను కాజేశారు. ముంబై సీబీఐ అధికారులుగా పరిచయం చేసుకున్న కేటుగాళ్లు, బాధితుడి ఫోన్ నంబర్ నేరాల్లో వినియోగించబడిందని, అతని బ్యాంకు ఖాతాకు ఉగ్రవాదులతో సంబంధం ఉందని నమ్మబలికారు. వీడియో కాల్ ద్వారా డిజిటల్ అరెస్ట్ చేస్తామని బెదిరించి, కేసుల నుండి బయటపడాలంటే డబ్బులు చెల్లించాలని ఒత్తిడి చేశారు. వారం రోజుల పాటు నిరంతరం బెదిరింపులకు గురైన బాధితుడు, సెప్టెంబర్ 22న రూ.3 కోట్లు, ఆ తర్వాత విడతలవారీగా మరో రూ.7 కోట్లు సహా మొత్తం రూ.10 కోట్లను నిందితుల ఖాతాలకు బదిలీ చేశాడు. తన ఫిక్స్‌డ్ డిపాజిట్లను కూడా విచ్ఛిన్నం చేసి ఈ మొత్తాన్ని చెల్లించినట్లు తెలుస్తోంది. ఇంకా డబ్బులు కావాలని డిమాండ్ చేయడంతో అనుమానం వచ్చిన వృద్ధుడు చివరకు విజయవాడ సైబర్ క్రైమ్ పోలీసులను ఆశ్రయించాడు. పోలీసులు వెంటనే స్పందించి, ఒక ఖాతాలోని రూ.7 కోట్లను ఫ్రీజ్ చేశారు. అయితే, మరో ఖాతాలోకి వెళ్లిన రూ.3 కోట్లు అప్పటికే వందల ఖాతాలకు బదిలీ అయినట్లు గుర్తించారు. డిజిటల్ అరెస్ట్ చట్టబద్ధం కాదని, ఇలాంటి కాల్స్ పట్ల అప్రమత్తంగా ఉండాలని పోలీసులు ప్రజలకు సూచించారు.

మరిన్ని వీడియోల కోసం ఇక్కడ క్లిక్ చేయండి

Also Watch:

ఆకాశంలో అద్భుత దృశ్యం.. ఈ రాత్రంతా వీక్షించి ఆస్వాదించండి!

3D టెక్నాలజీతో పేదల ఇళ్లు.. ఏపీలో 3 లక్షల గృహాలకు శంకుస్థాపన!

మొబైల్ రీఛార్జ్‌తో రూ.లక్ష ప్రమాద బీమా.. రూ.10వేల సైబర్ ప్రొటెక్షన్..

ఒకే ఒక్క సిగరెట్‌.. ఏం చేసిందో తెలిస్తే గుండెలదురుతాయ్‌!

Putin: అక్కడ గనక దాడి చేస్తే అణు బాంబులేస్తాం.. పుతిన్‌ వార్నింగ్‌