IOB Bank Recruitment 2022: బ్యాంక్‌ జాబ్స్! ఇండియన్ ఒవర్సీస్‌ బ్యాంక్‌లో మేనేజర్‌ ఉద్యోగాలు.. అర్హతలేవంటే..

చెన్నైలోని ఇండియన్ ఒవర్సీస్‌ బ్యాంక్.. 25 మేనేజర్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు సంబంధిత..

Indian Overseas Bank

Updated on: Dec 07, 2022 | 5:01 PM

చెన్నైలోని ఇండియన్ ఒవర్సీస్‌ బ్యాంక్.. 25 మేనేజర్‌ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు సంబంధిత స్పెషలైజేషన్లో బీఈ/బీటెక్‌/ఎంఈ/ఎంటెక్‌ లేదా తత్సమాన కోర్సులో ఉత్తీర్ణత సాధించి ఉండాలి. అనుభవం ఉన్నవారికి ప్రాధాన్యత ఉంటుంది. అలాగే నవంబర్‌ 1, 2022వ తేదీ నాటికి దరఖాస్తుదారుల వయసు కనిష్టంగా 25, గరిష్టంగా 30 ఏళ్లకు మించకుండా ఉండాలి. ఆసక్తి కలిగినవారు ఆన్‌లైన్‌ విధానంలో డిసెంబర్‌ 17, 2022వ తేదీలోపు దరఖాస్తు చేసుకోవచ్చు. దరఖాస్తు సమయంలో తప్పనిసరిగా జనరల్ అభ్యర్ధులు రూ.500లు, ఎస్సీ/ఎస్టీ/పీడబ్ల్యూడీ అభ్యర్ధులు రూ.100లు అప్లికేషన్‌ ఫీజు చెల్లించాలి. ఆన్‌లైన్ రాత పరీక్ష ద్వారా ఎంపిక చేస్తారు. ఎంపికైవారికి నెలకు రూ.48,170ల నుంచి రూ.69,810ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.