Navy Jobs: ఇండియన్‌ నేవీ ఉద్యోగాలకు దరఖాస్తు చేసుకున్నారా.? రేపే చివరి తేదీ.. బీటెక్‌ చేసిన వారు అర్హులు..

Navy Jobs 2022: బీటెక్‌ అర్హతతో ఇండియన్‌ నేవీలో ఉద్యోగాల భర్తీకి నోటిఫికేషన్‌ జారీ చేశారు. కేరళలోని ఎంజిమలలోని ఇండియన్‌ నేవల్‌ అకాడమనీ జనవరి 2023 నుంచి ప్రత్యేక నావల్ ఓరియంటేషన్ కోర్సు కోసం స్వీకరిస్తోన్న దరఖాస్తుల స్వీకరణ సోమవారం (ఆగస్టు 15)తో ముగియనుంది. ఈ నేపథ్యంలో ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలపై ఓ లుక్కేయండి..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా షార్ట్‌ సర్వీస్‌ కమిషన్‌ ఎగ్జిక్యూటివ్(ఇన్ఫర్మేషన్ టెక్నాలజీ)లో 50 పోస్టులను భర్తీ చేయనున్నారు.

* పైన తెలిపిన పోస్టులకు దరఖాస్తు చేసుకునే అభ్యర్థులు బీఈ, బీటెక్‌, ఎంటెక్‌, ఎంఎస్సీ(కంప్యూటర్ సైన్స్/ కంప్యూటర్ సైన్స్ అండ్‌ ఇంజినీరింగ్/ కంప్యూటర్ ఇంజినీరింగ్/ ఇన్ఫర్మేషన్ టెక్నాలజీ/ సాఫ్ట్‌వేర్ సిస్టమ్స్/ సైబర్ సెక్యూరిటీ/ సిస్టమ్ అడ్మినిస్ట్రేషన్ & నెట్‌వర్కింగ్/ కంప్యూటర్ సిస్టమ్స్ అండ్‌ నెట్‌వర్కింగ్/ డేటా అనలిటిక్స్/ ఆర్టిఫిషియల్ ఇంటెలిజెన్స్). లేదా ఎంసీఏ, బీసీఏ/ బీఎస్సీ (కంప్యూటర్ సైన్స్/ ఇన్ఫర్మేషన్ టెక్నాలజీ)లో ఉత్తీర్ణత సాధించి ఉండాలి.

* అవివాహిత పురుష, మహిళా అభ్యర్థుల మాత్రమే ఇందుకు అర్హులు.

* దరఖాస్తు చేసుకునే అభ్యర్థులు 02-01-1998 నుంచి 01-07-2003 మధ్య జన్మించి ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను డిగ్రీ, పీజీలో వచ్చిన మార్కులు.. పరీక్ష, ఇంటర్వ్యూ, మెడికల్ ఎగ్జామినేషన్‌ వంటి అంశాల ఆధారంగా ఎంపిక చేస్తారు.

* ఆన్‌లైన్‌ దరఖాస్తుల స్వీకరణ రేపటితో (15-08-2022) ముగియనుంది.

* నోటిఫికేషన్ కోసం క్లిక్‌ చేయండి..

* పూర్తి వివరాల కోసం క్లిక్‌ చేయండి..

మరిన్ని విద్య, ఉద్యోగ వార్తల కోసం క్లిక్‌ చేయండి..