Indian Coast Guard Jobs 2023: ఇండియన్‌ కోస్ట్‌ గార్డులో 350 ఉద్యోగాలకు నోటిఫికేషన్.. పదో తరగతి/ఇంటర్‌ అర్హత..
భారత ప్రభుత్వ రక్షణ మంత్రిత్వ శాఖకు చెందిన యూనియన్ ఆర్మ్‌డ్‌ ఫోర్సెస్‌లో.. 2023-24 బ్యాచ్‌కు సంబంధించి 350 నావిక్, యాత్రిక్‌ పోస్టుల భర్తీకి అర్హులైన పురుష అభ్యర్ధుల నుంచి దరఖాస్తులు కోరుతూ ఇండియన్‌ కోస్ట్‌ గార్డు నోటిఫికేషన్ విడుదల చేసింది. జనరల్ డ్యూటీ, డొమెస్టిక్ బ్రాంచుల్లో..
Updated on: Sep 10, 2023 | 7:46 PM
భారత ప్రభుత్వ రక్షణ మంత్రిత్వ శాఖకు చెందిన యూనియన్ ఆర్మ్‌డ్‌ ఫోర్సెస్‌లో.. 2023-24 బ్యాచ్‌కు సంబంధించి 350 నావిక్, యాత్రిక్‌ పోస్టుల భర్తీకి అర్హులైన పురుష అభ్యర్ధుల నుంచి దరఖాస్తులు కోరుతూ ఇండియన్‌ కోస్ట్‌ గార్డు నోటిఫికేషన్ విడుదల చేసింది. జనరల్ డ్యూటీ, డొమెస్టిక్ బ్రాంచుల్లో ఈ పోస్టులు ఖాళీగా ఉన్నాయి.
నావిక్ (డొమెస్టిక్ బ్యాంచ్‌) పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన విద్యాసంస్థ నుంచి పదో తరగతిలో ఉత్తీర్ణత పొంది ఉండాలి. నావిక్ (జనరల్ డ్యూటీ) పోస్టులకు మ్యాథ్స్, ఫిజిక్స్‌ సబ్జెక్టులతో 10+2 లేదా ఇంటర్మీడియట్‌ లో ఉత్తీర్ణత పొంది ఉండాలి. యాత్రిక్‌ పోస్టులకు దరఖాస్తు చేసుకునే అభ్యర్ధులు పదో తరగతిలో ఉత్తీర్ణతతోపాటు ఎలక్ట్రికల్/ఎలక్ట్రానిక్స్/టెలీకమ్యునికేషన్‌ (రేడియో/పవర్‌) ఇంజనీరింగ్లో మూడు లేదా నాలుగేళ్ల డిప్లొమా కోర్సులో ఉత్తీర్ణత పొంది ఉండాలి. లేదా పదో తరగతితోపాటు ఇంటర్మీడియట్‌లో ఉత్తీర్ణ పొంది ఉండాలి. ఎలక్ట్రికల్/ఎలక్ట్రానిక్స్/టెలీకమ్యునికేషన్‌ (రేడియో/పవర్‌) ఇంజనీరింగ్లో రెండు లేదా మూడు ఏళ్ల ఇంజనీరింగ్‌ డిప్లొమా కోర్సులో ఉత్తీర్ణత పొంది ఉండాలి. అభ్యర్ధుల వయసు మే 1, 2022వ తేదీ నాటికి 18 నుంచి 22 ఏళ్ల మధ్యలో ఉండాలి. ఎస్సీ/ఎస్టీ అభ్యర్ధులకు ఐదేళ్లు, ఓబీసీ అభ్యర్ధులకు మూడేళ్లు వయోపరిమితిలో సడలింపు ఉంటుంది.
ఈ అర్హతలున్న వారు సెప్టెంబర్‌ 22, 2023వ తేదీలోపు ఆన్‌లైన్‌ విధానంలో దరఖాస్తు చేసుకోవచ్చు. ఆన్‌లైన్‌ దరఖాస్తులు సెప్టెంబర్‌ 8వ తేదీ నుంచి ప్రారంభమయ్యింది. దరఖాస్తు సమయంలో జనరల్ అభ్యర్ధులు రూ.300లు రిజిస్ట్రేషన్‌ ఫీజు కింద చెల్లించవల్సి ఉంటుంది. ఎస్సీ/ఎస్టీ కేటగిరీలకు చెందిన అభ్యర్ధులు ఎటువంటి ఫీజు చెల్లించనవసరం లేదు.
ఎంపిక విధానం..
రాత పరీక్ష ఆధారంగా ఎంపిక చేస్తారు. స్టేజ్-1, స్టేజ్-2, స్టేజ్-3, స్టేజ్-4 రాత పరీక్షలు, వైద్య పరీక్షలు, డాక్యుమెంట్ల వెరిఫికేషన్‌ ఆధారంగా తుది ఎంపిక ఉంటుంది. స్టేజ్ 1 పరీక్ష డిసెంబర్ 2023లో, స్టేజ్ 2 జనవరి 2024, స్టేజ్ 3 పరీక్ష ఏప్రిల్‌ లేదా మే 2024లో ఉంటుంది. ఎంపికైన వారికి నావిక్ పోస్టులకు నెలకు రూ.21,700, యాంత్రిక్ పోస్టులకు నెలకు రూ.29,200 చొప్పున జీతంగా చెల్లిస్తారు.
ఖాళీల వివరాలు:
- నావిక్ (జనరల్ డ్యూటీ) పోస్టులు: 260
- నావిక్ (డొమెస్టిక్ బ్రాంచ్) పోస్టులు: 30
- యాంత్రిక్ (మెకానికల్) పోస్టులు: 25
- యాంత్రిక్ (ఎలక్ట్రికల్) పోస్టులు: 20
- యాంత్రిక్ (ఎలక్ట్రానిక్స్) పోస్టులు: 15
నోటిఫికేషన్ కోసం క్లిక్ చేయండి.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
