FSI Recruitment 2022: బీటెక్‌ నిరుద్యోగులకు బంపరాఫర్‌! ఫారెస్ట్ సర్వే ఆఫ్ ఇండియాలో ఉద్యోగావకాశాలు.. ఇలా దరఖాస్తు చేసుకోండి..
కేంద్ర ప్రభుత్వ పర్యావరణ, అటవీ, వాతావరణ మార్పుల మంత్రిత్వ శాఖకు చెందిన ఉత్తరాఖండ్‌లోని డెహ్రాడూన్‌ ఫారెస్ట్ సర్వే ఆఫ్ ఇండియా.. ఒప్పంద ప్రాతిపదికన 10 టెక్నికల్‌ అసోసియేట్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌..
Updated on: Oct 13, 2022 | 3:25 PM
కేంద్ర ప్రభుత్వ పర్యావరణ, అటవీ, వాతావరణ మార్పుల మంత్రిత్వ శాఖకు చెందిన ఉత్తరాఖండ్‌లోని డెహ్రాడూన్‌ ఫారెస్ట్ సర్వే ఆఫ్ ఇండియా.. ఒప్పంద ప్రాతిపదికన 10 టెక్నికల్‌ అసోసియేట్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి సంబంధిత స్పెషలైజేషన్‌లో బీఈ/బీటెక్‌/డిప్లొమా/పీజీ డిగ్రీ (సైన్స్‌)/ఎంఏ/ఎంసీఏ/ఎంఎస్సీ/ఎంటెక్‌ లేదా తత్సమాన అర్హత సాధించి ఉండాలి. అలాగే సంబంధిత పనిలో అనుభవం కూడా ఉండాలి. అభ్యర్ధుల వయసు అక్టోబర్‌ 1, 2022వ తేదీనాటికి 30 యేళ్లకు మించకుండా ఉండాలి. రిజర్వేషన్‌ వర్గాలకు వయోపరిమితి విషయంలో సడలింపు వర్తిస్తుంది. ఆసక్తి కలిగినవారు ఆన్‌లైన్‌ ద్వారా అక్టోబర్‌ 18, 2022 వ తేదీలోపు దరఖాస్తు చేసుకోవచ్చు. రాత పరీక్ష, స్కిల్‌ టెస్ట్, ఇంటర్వ్యూ ఆధారంగా అభ్యర్ధులను ఎంపిక చేయడం జరుగుతుంది. అర్హత సాధించిన వారికి నెలకు రూ.31,000ల చొప్పున జీతంతోపాటు ఇతర అలవెన్సులు కూడా చెల్లిస్తారు. ఇతర సమాచారం కోసం అధికారిక నోటిఫికేషన్‌ను చెక్‌ చేసుకోవచ్చు.
పూర్తి సమాచారం కోసం క్లిక్‌ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
