BHEL Recruitment: బీహెచ్‌ఈఎల్‌లో వెల్డర్‌ పోస్టులు.. నెలకు రూ. 37 వేలకు పైగా జీతం పొందే అవకాశం..

BHEL Recruitment: భారత ప్రభుత్వ రంగానికి చెందిన భారత్‌ ఎలక్ట్రికల్స్‌ లిమిటెడ్‌ (BHEL) వెల్డర్‌ పోస్టుల భర్తీకి నోటిఫికేషన్‌ జారీ చేసింది. నాగ్‌పూర్‌లోని సంస్థలో పవర్‌ సెక్టర్-వెస్టర్‌ రీజినయ్‌లో ఈ ఖాళీలను భర్తీ చేయనున్నారు. కాంట్రాక్ట్‌ విధానంలో తీసుకోనున్న ఈ పోస్టులకు సంబంధించిన పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 75 వెల్డర్‌ పోస్టులను భర్తీ చేయనున్నారు.

* ఈ పోస్టులకు దరఖాస్తు చేసుకునే వారు ఐటీఐ ఉత్తీర్ణతో పాటు బాయిలర్‌ వెల్డర్స్‌ సర్టిఫికెట్‌ ఉండాలి. సంబంధిత పనిలో కనీసం రెండేళ్ల అనుభవం తప్పనిసరిగా ఉండాలి.

* అభ్యర్థుల వయసు 26-04-2022 నాటికి 35 ఏళ్లు మించకూడదు.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు మొదట ఆన్‌లైన్‌లో దరఖాస్తు చేసుకొని, దరఖాస్తు హార్డ్‌ కాపీని ఆఫ్‌లైన్‌లో పంపించాలి.

* దరఖాస్తులను సీనియర్‌ డిప్యూటీ జనరల్‌ మేనేజర్ (హెచ్‌ఆర్‌), బీహెచ్‌ఈఎల్‌, పవర్‌ సెక్టర్‌ వెస్టర్న్‌ రీజియన్‌, 345 కింగ్స్‌వే, నాగ్‌పూర్ – 440001 అడ్రస్‌కు పంపించాలి.

* అభ్యర్థులను మొదట అకడమిక్‌ అర్హత, పని అనుభవం ఆధారంగా షార్ట్‌లిస్ట్‌ చేస్తారు. అనంతరం ఇంటర్వ్యూ ఆధారంగా తుది ఎంపిక ఉంటుంది.

* ఆన్‌లైన్‌ దరఖాస్తుల స్వీకరణకు 10-05-2022 చివరి తేదీ కాగా.. హార్డ్‌ కాపీలను 13-05-2022లోపు పంపించాల్సి ఉంటుంది.

* పూర్తి వివరాల కోసం ఇక్కడ క్లిక్‌ చేయండి..

మరిన్ని విద్యా, ఉద్యోగ వార్తల కోసం క్లిక్‌ చేయండి..

Also Read: Virat Kohli: ఆ ఇన్నింగ్స్ విరాట్‌ కోహ్లీలో విశ్వాసం కలిగిస్తుంది.. మాజీ క్రికెటర్‌ సునీల్‌ గావస్కర్‌..

Kejriwal: అలా చేయకపోతే గుజరాత్ నుంచి తరిమి కొట్టండి.. కేజ్రీవాల్ సెన్సేషనల్ కామెంట్

Jobs: ఉద్యోగాల వేట మానేసిన లక్షల మంది భారతీయులు.. కారణాలు అవేనట..