AP TET 2024 Free Coaching: ఏపీ టెట్‌ అభ్యర్ధులకు గుడ్‌న్యూస్‌.. ఉచిత కోచింగ్‌కు ప్రకటన విడుదల
ఆంధ్రప్రదేశ్‌ రాష్ట్రంలో ఈ నెల 2వ తేదీన టెట్‌ నోటిఫికేషన్‌ విడుదలైన సంగతి తెలిసిందే. ఆన్లైన్ దరఖాస్తు ప్రక్రియ ఆగస్టు 3వ తేదీ వరకు కొనసాగనుంది. ఈ క్రమంలో మైనారిటీ విద్యార్థులకు ఏపీ టెట్‌-2024 పరీక్షకు సంబంధించి ఉర్దూ, తెలుగు మీడియంలలో ఉచిత కోచింగ్‌ ఇచ్చేందుకు మైనారిటీ సంక్షేమశాఖ మంత్రి ఎన్‌ఎండీ ఫరూక్‌ ప్రకటన వెలువరించారు. ముస్లిం, క్రిస్టియన్‌ (బీసీ-సీ), సిక్కులు, బుద్ధులు, జైనులు వంటి తదితర మైనారిటీ వర్గాలకు చెందిన అభ్యర్ధులకు ఉచిత కోచింగ్‌ అందిస్తామని శుక్రవారం ఓ ప్రకటనలో పేర్కొన్నారు..
అమరావతి, జులై 27: ఆంధ్రప్రదేశ్‌ రాష్ట్రంలో ఈ నెల 2వ తేదీన టెట్‌ నోటిఫికేషన్‌ విడుదలైన సంగతి తెలిసిందే. ఆన్లైన్ దరఖాస్తు ప్రక్రియ ఆగస్టు 3వ తేదీ వరకు కొనసాగనుంది. ఈ క్రమంలో మైనారిటీ విద్యార్థులకు ఏపీ టెట్‌-2024 పరీక్షకు సంబంధించి ఉర్దూ, తెలుగు మీడియంలలో ఉచిత కోచింగ్‌ ఇచ్చేందుకు మైనారిటీ సంక్షేమశాఖ మంత్రి ఎన్‌ఎండీ ఫరూక్‌ ప్రకటన వెలువరించారు. ముస్లిం, క్రిస్టియన్‌ (బీసీ-సీ), సిక్కులు, బుద్ధులు, జైనులు వంటి తదితర మైనారిటీ వర్గాలకు చెందిన అభ్యర్ధులకు ఉచిత కోచింగ్‌ అందిస్తామని శుక్రవారం ఓ ప్రకటనలో పేర్కొన్నారు. ఇందుకోసం రాష్ట్రవ్యాప్తంగా జిల్లాల వారీగా మొత్తం 19 శిక్షణ కేంద్రాలను ఏర్పాటు చేసినట్లు ఆయన వివరించారు. మైనారిటీ సంక్షేమశాఖ, ఏపీ ప్రభుత్వ సెంటర్‌ ఫర్‌ ఎడ్యుకేషనల్‌ డెవలప్‌మెంట్‌ ఆఫ్‌ మైనారిటీస్‌ (సీఈడీఎం) ఆధ్వర్యంలో ఉచిత శిక్షణ ప్రోగ్రామ్‌ జరగనుంది. ఆగస్టు 1 నుంచి సెప్టెంబర్‌ 25వ తేదీ వరకు ఇచిత శిక్షణ అందిస్తారు.
ఏపీ టెట్‌ 2024 అభ్యర్ధులకు ఉచిత కోచింగ్‌ ఇచ్చే సెంటర్లు ఇవే..
- విజయవాడలోని సీఈడీఎం ప్రధాన కార్యాలయం
- ఆర్‌సీఈడీఎంఏఎం కళాశాల – గుంటూరు
- ఉస్మానియా కళాశాల – కర్నూలు
- ఆంధ్ర విశ్వవిద్యాలయం పీజీ సెంటర్‌ – విశాఖ
- ఆర్కే బ్రిలియంట్‌ ఎడ్యుకేషనల్‌ సొసైటీ – గుంటూరు
- జోయా కోచింగ్‌ సెంటర్‌ – నంద్యాల
- సీఈడీఎం స్టడీ సెంటర్‌ – కదిరి
- ప్రభుత్వ యూహెచ్‌ స్కూల్‌ – రాయదుర్గం
- కుట్టి ఎడ్యుకేషనల్‌ సొసైటీ – అనంతపురం
- ఎంయూహెచ్‌ స్కూల్‌ – మదనపల్లె
- శ్రీవేంకటేశ్వర కోచింగ్‌ సెంటర్‌ – తిరుపతి
- శ్రీవిద్యా కోచింగ్‌ సెంటర్‌ – తిరుపతి
- డార్జిలింగ్‌ టాలెంట్‌ అకాడమీ
- మున్సిపల్‌ ఉర్దూ హైస్కూల్‌ – ప్రొద్దుటూరు
- ఆజాద్‌ కోచింగ్‌ సెంటర్‌ – రాయచోటి
- గవర్నమెంట్‌ హైస్కూల్‌ – కంభం
- భావపురి విద్యాసంస్థలు – బాపట్ల
- నోబుల్‌ కళాశాల – మచిలీపట్నం
- వెంకటసాయి అకాడమీ – కడప
కాగా ఆంధ్రప్రదేశ్‌ టీచర్‌ ఎలిజిబిలిటీ టెస్ట్ (టెట్‌) పరీక్షలు ఏకంగా అక్టోబర్‌ 3 నుంచి 20వ తేదీ వరకు ఆన్లైన్ విధానంలో నిర్వహించనున్నారు. 16,347 టీచర్‌ పోస్టుల భర్తీకి వెలువడిన మెగా డీఎస్సీ నోటిఫికేషన్‌ నేపథ్యంలో ఏపీ సర్కార్‌ మరోసారి టెట్‌ నిర్వహిస్తున్న సంగతి తెలిసిందే. డీఎస్సీలో టెట్‌కు 20 శాతం వెయిటేజీ ఉంటుంది. టెట్‌ ఆన్లైన్ మాక్‌టెస్ట్‌లు సెప్టెంబర్‌ 19 నుంచి ప్రారంభమవుతాయి. హాల్‌టికెట్లను జులై 22 నుంచి డౌన్‌లోడ్‌ చేసుకోవచ్చు. ప్రొవిజినల్‌ కీ అక్టోబర్‌ 4 విడుదల చేసి, అక్టోబర్‌ 5 నుంచి ప్రాథమిక కీపై అభ్యంతరాలను స్వీకరించనున్నారు. అక్టోబర్‌ 27న ఫైనల్‌ ఆన్సర్ కీ విడుదలవుతుంది. టెట్‌ ఫలితాలు నవంబర్‌ 2న విడుదల చేస్తారు.