AP Jobs: ఏపీ ఆరోగ్య శాఖలో భారీగా ఉద్యోగాలు.. నెలాఖరులోగా 3,390 నియామకాల కోసం చర్యలు..!

AP Jobs: ఏపీలో నిరుద్యోగులకు ఇది శుభవార్తే. ప్రభుత్వం ఉద్యోగ పోస్టులను భర్తీ చేసేందుకు ప్రయత్నాలు కొనసాగిస్తోంది. దీంతో సర్కార్‌ భారీగా ఉద్యోగ నియమాకాలను చేపట్టింది..

Subhash Goud |
Updated on: Aug 03, 2021 | 9:17 AM

AP Jobs: ఏపీలో నిరుద్యోగులకు ఇది శుభవార్తే. ప్రభుత్వం ఉద్యోగ పోస్టులను భర్తీ చేసేందుకు ప్రయత్నాలు కొనసాగిస్తోంది. దీంతో సర్కార్‌ భారీగా ఉద్యోగ నియమాకాలను చేపట్టింది. ఇప్పటికే 2,900 మంది మిడ్‌లెవల్‌ హెల్త్‌ ప్రొవైడర్స్‌ (ఎంఎల్‌హెచ్‌పీలు)ను నియామకం చేపట్టిన ప్రభుత్వం.. ఈ నెలాఖరుకల్లా మరో 3,390 మంది ఉద్యోగులను నియమించుకోబోతోంది. డిసెంబర్‌ చివరికి వైద్య, ఆరోగ్య శాఖలో వివిధ విభాగాలకు చెందిన 6 వేలకు పైగా పోస్టులను భర్తీ చేయనుంది. ముఖ్యమంత్రి వైఎస్‌ జగన్‌ ఆదేశాల మేరకు వైద్య, ఆరోగ్య శాఖ ఈ చర్యలు చేపట్టింది.

ఎంఎల్‌హెచ్‌పీల నియామకం కోసం ఆర్థిక శాఖకు లేఖ రాసింది. దీనికి ఆర్థిక శాఖ కూడా గ్రీన్‌ సిగ్నల్‌ ఇచ్చినట్లు తెలుస్తోంది. ఈ నెలలోనే అన్ని జిల్లాల్లో నోటిఫికేషన్‌లు జారీ చేసి 3,390 మంది ఎంఎల్‌హెచ్‌పీలను నియమించుకునేందుకు రంగం సిద్ధం చేస్తోంది. ఆగస్ట్‌ చివరి నాటికి నియామక ప్రక్రియ పూర్తి చేసి ఎంఎల్‌హెచ్‌పీల ద్వారా సేవలందించే దిశగా చర్యలు తీసుకుంటున్నారు అధికారులు. ప్రతి వైఎస్సార్‌ హెల్త్‌ క్లినిక్‌లో బీఎస్సీ నర్సింగ్‌ అర్హత ఉన్న ఒక ఎంఎల్‌హెచ్‌పీతో పాటు ఒక ఏఎన్‌ఎం ఉంటారు. ఈ క్లినిక్‌లలో 12 రకాల సేవలు, 65 రకాల మందులు, 14 రకాల నిర్ధారణ పరీక్షలు అందుబాటులో ఉంటాయని అధికారులు తెలిపారు.