Suzuki Electric Scooter: గుడ్ న్యూస్.. ఎలక్ట్రిక్ వెర్షన్ సుజుకీ యాక్సెస్ వచ్చేస్తోంది! వివరాలు ఇవి..
వెయిట్ ఫర్ బెస్ట్ అన్నట్లు సుజుకీ తన కొత్త ఎలక్ట్రిక్ స్కూటర్ కు సంబంధించి ఎట్టకేలకు ఓ అప్ డేట్ ఇచ్చింది. ఈ ఏడాది డిసెంబర్లోనే తన మొదటి ఇ-స్కూటర్ ఉత్పత్తిని ప్రారంభించే అవకాశం ఉందని పేర్కొంది. ఈ స్కూటర్ ఇ-బర్గ్మ్యాన్ స్కూటర్లా కాకుండా ఫిక్స్డ్ బ్యాటరీ ప్యాక్ తో వసతుంది. ఈ కొత్త స్కూటర్ ను గతంలో భారతదేశంలో అనేకసార్లు పరీక్షించినట్లు గుర్తించారు.
Updated on: Jul 12, 2024 | 3:57 PM
మన దేశంలో ఎలక్ట్రిక్ వాహనాల క్రేజ్ పెరుగుతోంది. రోజురోజుకు వాటి వినియోగం అధికమవుతోంది. ముఖ్యంగా ద్విచక్ర వాహనాలు అందులోనూ ఎలక్ట్రిక్ స్కూటర్లకు డిమాండ్ అధికంగా ఉంటోంది. ఈ క్రమంలో అన్ని కంపెనీలు తమ ఉత్పత్తులను లాంచ్ చేస్తున్నాయి. అత్యాధునిక సాంకేతికతతో కూడిన ఫీచర్లతో వాటిని తీసుకొస్తున్నాయి. ఇప్పటికే దేశంలో టాప్ లో ఉన్న ఓలా, ఏథర్, టీవీఎస్ వంటి బ్రాండ్లతో పాటు చాలా స్టార్టప్ లు కూడా ఎలక్ట్రిక్ స్కూటర్లను పరిచయం చేస్తున్నాయి. ఇదే క్రమంలో దేశంలోని టాప్ కంపెనీల్లో ఒకటైన సుజుకీ తన మొట్టమొదటి ఎలక్ట్రిక్ స్కూటర్ ను తీసుకొస్తున్నట్లు ప్రకటించింది. వాస్తవానికి సుజుకీ ఎలక్ట్రిక్ స్కూటర్ రంగంలోకి ప్రవేశించడానికి చాలా ఎక్కువ సమయమే తీసుకుందని చెప్పాలి. అయినప్పటికీ వెయిట్ ఫర్ బెస్ట్ అన్నట్లు సుజుకీ తన కొత్త ఎలక్ట్రిక్ స్కూటర్ కు సంబంధించి ఎట్టకేలకు ఓ అప్ డేట్ ఇచ్చింది. ఈ ఏడాది డిసెంబర్లోనే తన మొదటి ఇ-స్కూటర్ ఉత్పత్తిని ప్రారంభించే అవకాశం ఉందని పేర్కొంది. ఈ స్కూటర్ ఇ-బర్గ్మ్యాన్ స్కూటర్లా కాకుండా ఫిక్స్డ్ బ్యాటరీ ప్యాక్ను ఉపయోగిస్తుంది. ఇది గతంలో భారతదేశంలో అనేకసార్లు పరీక్షించినట్లు గుర్తించారు. ఇది రెండు సుజుకి ఈ-స్కూటర్ల మధ్య వ్యత్యాసం.
సుజుకి ఎలక్ట్రిక్ స్కూటర్..
సుజెకీ ఎక్స్ఎఫ్091(XF091) అనే కోడ్నేమ్ తో ఎలక్ట్రిక్ స్కూటర్ ను తయారు చేస్తోంది. దీనిలో ఫిక్స్డ్ బ్యాటరీ ప్యాక్ ఉండవచ్చు. దీని ఉత్పత్తి డిసెంబర్లో ప్రారంభమయ్యే అవకాశం ఉంది. లాంచ్ బహుశా వచ్చే ఏడాది మొదటి త్రైమాసికంలో ఉంటుంది. ఏడాదిలో కనీసం 25,000 యూనిట్లను తయారు చేయాలని సుజుకీ లక్ష్యంగా పెట్టుకున్నట్లు చెబుతున్నారు.
పేరు ఏం పెట్టొచ్చు..
ఒక సంవత్సరం క్రితం, సుజుకి ఈ-బర్గ్మ్యాన్ స్కూటర్ను మార్చుకోగలిగే బ్యాటరీ ప్యాక్తో ప్రదర్శించింది. ఈ-బర్గ్మ్యాన్ భారతదేశంలో అనేక సందర్భాల్లో పరీక్షించారు. అయితే ఇండియా-స్పెక్ సుజుకి ఎలక్ట్రిక్ స్కూటర్ జపాన్ మోడల్తో ఏ విధమైన పోలికలు కలిగి ఉందో తెలుసుకోవాలి. అయితే సుజుకి ఈ-స్కూటర్కు ఏమి పేరు పెడుతుందో కూడా చూడాల్సి ఉంది. యాక్సెస్ మోడల్ విస్తృత ప్రజాదరణను పరిగణనలోకి తీసుకుంటే, ఇది అదే బ్రాండ్ నేమ్ తో వచ్చే అవకాశం ఉంది. అంటే సుజుకీ యాక్సెస్ ఎలక్ట్రిక్ పేరుతోనే వచ్చే అవకాశం ఉంది. గొడుగు కిందకు వస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
