SBI Credit Card: ఆ బ్యాంకు క్రెడిట్‌కార్డుదారులకు అలెర్ట్.. జూలై 15 నుంచి నిబంధనల మార్పు

ఎస్‌‌బీఐ క్రెడిట్ కార్డు హోల్డర్స్‌కు ఆ బ్యాంకు కీలక అప్‌డేట్ ఇచ్చింది. జూలై 15, 2025 నుంచి ఎస్‌బీఐ క్రెడిట్ కార్డులకు సంబంధించిన కొన్ని ముఖ్యమైన నిబంధనలు మారతాయని స్పష్టం చేసింది. ఈ మార్పులు మీరు మీ బిల్లులు చెల్లించే విధానాలతో పాటు మీరు పొందే ప్రయోజనాలను ప్రభావితం చేస్తాయని నిపుణులు చెబుతున్నారు. ప్రస్తుతం, చాలా మంది కార్డుదారులు ఆలస్య ఛార్జీలను నివారించడానికి వారి బిల్లులో కొద్ది మినిమమ్ డ్యూను చెల్లిస్తున్నారు. అయితే జూలై  15 నుంచి కనీస మొత్తం బకాయి (ఎంఏడీ) లెక్కించే విధానం మారుతుంది.  మీ ఎంఏడీలో 100 శాతం జీఎస్టీ, ఈఎంఐ మొత్తాలు, ఛార్జీలు, ఫైనాన్స్ ఛార్జీలు ఏదైనా ఓవర్‌లిమిట్ మొత్తం, మిగిలిన బ్యాలెన్స్‌లో 2 శాతం ఉంటాయి. అంటే ఇకపై ప్రతి నెలా మినిమమ్ డ్యూ చెల్లింపు పెరిగే అవకాశం ఉంది. మీరు ఈ అధిక మొత్తాన్ని చెల్లించకపోతే మీ బకాయిలు త్వరగా పెరుగుతాయి. అలాగే మీరు ఎక్కువ వడ్డీని చెల్లించాల్సి రావచ్చు.

మీ చెల్లింపులు పరిష్కరించే విధానం కూడా మారుతుంది. ఇప్పటి నుంచి మీరు చెల్లించే మొత్తం మొదట జీఎస్టీ, తరువాత ఈఎంఐ, తరువాత ఛార్జీలు, వడ్డీ, చివరగా రిటైల్ షాపింగ్ లేదా నగదు ఉపసంహరణ వంటి మీ ప్రధాన ఖర్చులకు సర్దుబాటు చేస్తారు. కాబట్టి మీరు చెల్లించని ఛార్జీలు లేదా ఫైనాన్స్ ఛార్జీలు ఉంటే, మీ చెల్లింపు మొదట వాటిని క్లియర్ చేస్తుంది. మీరు మొత్తంలో కొంత భాగాన్ని మాత్రమే చెల్లిస్తే మీ ఇతర ఖర్చులపై వడ్డీ పెరుగుతూనే ఉంటుంది. అలాగే ఉచిత విమాన ప్రమాద బీమాను తమ కార్డులపై ఆస్వాదించిన కస్టమర్లకు మరో పెద్ద మార్పు వచ్చింది. అనేక ఎస్‌బీఐ క్రెడిట్ కార్డులు గతంలో రూ. 50 లక్షల నుంచి రూ. 1 కోటి వరకు ఉచిత విమాన ప్రమాద బీమా కవర్‌ను అందించేవి.

ఆగస్టు 11 నుంచి యూకో బ్యాంక్, ఎస్‌బీఐ కార్డ్ ఎలైట్, సెంట్రల్ బ్యాంక్ ఆఫ్ ఇండియా ఎస్‌బీఐ కార్డ్ ఎలైట్, పీఎస్‌బీ ఎస్‌బీఐ కార్డ్ ఎలైట్, కేవీబీ ఎస్‌బీఐ కార్డ్ ఎలైట్, కేవీబీ ఎస్‌బీఐ సిగ్నేచర్ కార్డ్, అలహాబాద్ బ్యాంక్ ఎస్‌బీఐ కార్డ్ ఎలైట్ వంటి ప్రముఖ కార్డులపై ఉచిత విమాన ప్రమాద బీమా నిలిపివేస్తారు. అలాగే యుకో బ్యాంక్ ఎస్‌బీఐ కార్డ్ ప్రైమ్, సెంట్రల్ బ్యాంక్ ఆఫ్ ఇండియా ఎస్‌బీఐ కార్డ్ ప్రైమ్, పీఎస్‌బీ ఎస్‌బీఐ కార్డ్ ప్రైమ్, సౌత్ ఇండియన్ బ్యాంక్ ఎస్‌బీఐ కార్డ్ ప్రైమ్, కర్ణాటక బ్యాంక్ ఎస్‌బీఐ కార్డ్ ప్రైమ్ అనేక ఇతర కార్డుల నుండి రూ. 50 లక్షల ఉచిత కవర్ ఉపసంహరిస్తారు.

ఇవి కూడా చదవండి

ఏ మ్యూచువల్ ఫండ్ ఎంచుకోవాలి? టాప్ పథకాల వివరాలివి..

రికార్డు స్థాయికి చేరుకున్న భారత్.. నాల్గవ దేశంగా..!

పసిడి ప్రియులకు పండగలాంటి వార్త.. భారీగా పడిపోయిన బంగారం ధర..!

ఇవి మనకెంత మేలు చేస్తాయో తెలుసా?

మీ దగ్గర ఎస్‌బీఐ కార్డులు ఏవైనా ఉంటే మీ కార్డు ఫీచర్లను తనిఖీ చేయాలి. అలాగే అవి ఇప్పటికీ మీ అవసరాలకు సరిపోతాయో? లేదో? చూడాలి. విమాన ప్రమాద కవర్ వంటి ప్రయోజనాలు ముగిసిపోతున్నందున మీరు మీ కార్డును అప్‌గ్రేడ్ చేయడం, మార్చడం లేదా మూసివేయడం ఆలోచించడం ఉత్తమం. అలాగే అప్‌డేట్ నిబంధనలను జాగ్రత్తగా చదవడంతో పాటు ఈ మార్పులు మీ చెల్లింపులు, ప్రయోజనాలను ఎలా ప్రభావితం చేస్తాయో. తెలుసుకోవడం తెలివైన పని. అవగాహన కలిగి ఉండటం వల్ల మీరు అదనపు ఛార్జీలను నివారించవచ్చు. అలాగే మీ డబ్బును మెరుగ్గా నిర్వహించవచ్చు.