Retirement Plan: ఆ నియమంతో పదవీ విరమణ తర్వాత జీవితం సురక్షితమేనా..? నిపుణులు చెప్పే విషయాలు తెలిస్తే షాక్
భారతదేశంలో జనాభాకు అనుగుణంగా ఉద్యోగుల సంఖ్య ఉద్యోగుల సంఖ్య కూడా ఎక్కువగానే ఉంటుంది. అయితే పదవీ విరమణ తర్వాత ఇబ్బంది లేకుండా జీవించడానికి పెట్టుబడి విషయంలో చాలా మంది ప్రత్యేక చర్యలు తీసుకోవడం లేదు. అయితే దీపం ఉండగానే ఇల్లు చక్కబెట్టే విధంగా సంపాదన ఉన్నప్పుడే పదవీ విరమణకు సొమ్ములు పొదుపు చేసుకోవడం ఉత్తమమని నిపుణులు చెబుతున్నారు.
Updated on: May 05, 2025 | 3:26 PM
ఓ సాధారణ ఉద్యోగి పదవీ విరమణ కోసం ప్రణాళిక వేసుకోవడం కొంచెం కష్టమే కావచ్చు. కానీ మీరు పదవీ విరమణకు ఆర్థికంగా సిద్ధంగా ఉన్నారో లేదో తెలుసుకోవడానికి 4 శాతం నియమం ఒక సరళమైన విధానాన్ని అందిస్తుంది. మీ సంపాదనలో 4 శాతం మీరు పొదుపు చేస్తే పదవీ విరమణ సమయానికి పెద్ద ఎత్తును నిధులు సమీకరించుకోవచ్చని నిపుణులు సూచిస్తున్నారు. ఇలా చేస్తే మీ వార్షిక ఖర్చులకు 25 రెట్లు జమవుతుందని, వాటితో మీరు హాయిగా పదవీ విరమణ చేయవచ్చని నిపుణులు పేర్కొంటున్నారు. అయితే ఈ నియమం ప్రకారం సొమ్ము పొదుపు వల్ల నష్టాలు కూడా ఉన్నాయని నిపుణులు వివరిస్తున్నారు
కొంత మంది నిపుణులు పెట్టుబడిదారులు గుడ్డిగా 4 శాతం నియమాన్ని ఆచరించకూడదని సూచిస్తున్నారు. 4 శాతం నియమం ప్రకారం మీ సంపదలో 4 శాతం మీ ఖర్చులను కవర్ చేస్తే మీరు వెంటనే పదవీ విరమణ చేయవచ్చు. మరో విధంగా చెప్పాలంటే మీ వార్షిక ఖర్చులకు 25 రెట్లు ఉండటం అంటే మీరు పదవీ విరమణ చేయవచ్చు. అయితే పరిగణించాల్సిన రెండు కీలకమైన అంశాలు ఉన్నాయని వివరిస్తున్నారు. మీరు 55-60 సంవత్సరాల వయస్సులో పదవీ విరమణ చేయాలని ప్లాన్ చేస్తుంటే ఈ నియమం ఉత్తమంగా వర్తింపజేయవచ్చు. ఎందుకంటే ఇది దాదాపు 30 సంవత్సరాల పదవీ విరమణ కాలాన్ని ఊహిస్తుంది. మీరు చాలా ముందుగానే పదవీ విరమణ చేయాలని లక్ష్యంగా పెట్టుకుంటే మీరు ఆదాయం లేకుండా ఎక్కువ కాలం జీవిస్తారు కాబట్టి మీకు పెద్ద కార్పస్ అవసరం అవుతుంది.
నేటి ఖర్చుల కంటే పదవీ విరమణ సమయంలో మీ భవిష్యత్ను ఖర్చులను ఎల్లప్పుడూ అంచనా వేయాలి. ద్రవ్యోల్బణాన్ని విస్మరించడం వల్ల గణనీయమైన తప్పుడు లెక్కలు ఏర్పడవచ్చు. ఒకవేళ ప్రస్తుత 30 ఏళ్ల వయస్సున వ్యక్తి నెలవారీ ఖర్చులు నెలకు రూ. 50,000 ఉంటే పదవీ విరమణ వయస్సు 55 ఉంటుంది. ద్రవ్యోల్బణం రేటును ఆరు శాతం అంచనా వేస్తే 72వ నియమాన్ని ఉపయోగిస్తే మీ ఖర్చులు ప్రతి 12 సంవత్సరాలకు రెట్టింపు అవుతాయి. 55 సంవత్సరాల వయస్సు వచ్చేసరికి, మీ జీవనశైలి సంవత్సరానికి రూ. 6 లక్షలకు బదులుగా రూ. 24 లక్షలు ఖర్చు అవుతుంది. 4 శాతం నియమాన్ని వర్తింపజేస్తే రూ. 24 లక్షలు అవుతుంది. అంటే పదవీ విరమణ సమయానికి రూ. 6 కోట్లు అవసరం అవుతాయి. ముఖ్యంగా ప్రస్తుత రోజుల్లో మీ పదవీ విరమణ కార్పస్ను అంచనా వేయడానికి కేవలం బొటనవేలు నియమాలపై ఆధారపడకుండా కచ్చితమైన కాలిక్యులేటర్లను ఉపయోగించడం మంచిదని నిపుణులు స్పష్టం చేస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
