Real Estate: భారత్‌లో రియల్ ఎస్టేట్ భూమ్.. ఏఐఎఫ్‌ల ద్వారా రూ.75 వేల కోట్ల పెట్టుబడి
ప్రపంచంలో మూడు వంతుల నీరు ఉంటే ఒక వంతు మాత్రమే భూమి ఉంటుందనే విషయం అందరికీ తెలిసిందే. అయితే భూమిపై పెట్టిన పెట్టుబడి ఎప్పుడూ రూపాయికి రూపాయి తిరిగి ఇస్తుందని రియల్ ఎస్టేట్ నిపుణులు చెబుతూ ఉంటారు. అయితే తాజాగా భారతదేశంలో రియల్ ఎస్టేట్ రంగంలో పెట్టుబడులు విపరీతంగా పెరిగాయి. ప్రత్యామ్నాయ పెట్టుబడి నిధులు (ఏఐఎఫ్) ద్వారా భారతీయ రియల్ ఎస్టేట్‌లో పెట్టుబడి దాదాపు రూ.75,500 కోట్లకు చేరుకుంది.
ఏఐఎఫ్‌ల ద్వారా వచ్చే మొత్తం ఇన్‌ఫ్లోలో 17 శాతం వాటాతో అన్ని రంగాలలో అత్యధికంగా ఉన్నాయి. గత పదేళ్లలో భారతదేశంలో ప్రత్యామ్నాయ పెట్టుబడి నిధులు (ఏఐఎఫ్) అద్భుతమైన వృద్ధిని కనబరిచాయని నిపుణులు చెబుతున్నారు. అన్ని రంగాల్లో కంటే రియల్ ఎస్టేట్ దేశవ్యాప్తంగా ఏఐఎఫ్ పెట్టుబడులకు ప్రముఖ ఎంపికగా నిలుస్తుంది. తాజాగా సెబీ డేటా హెచ్1, 2025 ఆర్థిక సంవత్సరం వరకు వివిధ రంగాలలో చేసిన మొత్తం రూ.4,49,384 కోట్లుగా ఉంది. అయితే ఏఐఎఫ్ పెట్టుబడుల్లో రియల్ ఎస్టేట్ వాటా అత్యధికంగా 17 శాతంగా ఉంది. అంటే దాదాపు రూ.75,468 కోట్లు అని నిపుణులు స్పష్టం చేస్తున్నారు. ఐటీ, ఫైనాన్షియల్ సర్వీసెస్, ఎన్‌బీఎఫ్‌సీలు, బ్యాంకులు వంటి రంగాలు రియల్ ఎస్టేట్ తర్వాతి స్థానంలో ఉన్నాయి.
హెచ్1, 2025 ఆర్థిక సంవత్సరం చివరి నాటికి ఏఐఎఫ్‌ల ద్వారా రియల్ ఎస్టేట్ రంగంలో మొత్తం పెట్టుబడులు 2024-2024 చివరి నాటికి రూ. 68,540 కోట్ల నుంచి రూ.75,468 కోట్లకు పెరిగాయి. అంటే దాదాపు 10 శాతం వృద్ధిని సాధించాయి. ఇతర రంగాల విషయానికి వస్తే ఏఐఎఫ్‌ల ద్వారా ఐటీ రంగంలో పెట్టుబడులు రూ.27,815 కోట్లు, ఫైనాన్షియల్ సర్వీసెస్ రూ.25,782 కోట్లు, ఎన్‌బీఎఫ్‌సీలు రూ.21,503 కోట్లు, బ్యాంకులు రూ.18,242 కోట్లు, ఫార్మా రూ.17,272 కోట్లుగా ఉన్నాయి. భారతదేశంలో ఏఐఎఫ్ పెట్టుబడి కోసం అందుబాటులో ఉన్న నిధుల సంఖ్యలో గణనీయమైన పెరుగుదలను చూసిందని నిపుణులు చెబుతున్నారు. ఏఐఎఫ్‌ల కార్యాచరణలో పెరుగుదల ఎక్కువగా కేటగిరీ-2 ఏఐఎఫ్‌ల ద్వారా నడుపుతారు. ఇందులో రియల్ ఎస్టేట్ ఫండ్స్, ప్రైవేట్ ఈక్విటీ, డెట్ ఫండ్స్, ఫండ్ ఆఫ్ ఫండ్స్ ఉన్నాయని స్పష్టం చేస్తున్నారు. గత ఐదేళ్లలో కేటగిరీ-2 ఏఐఎఫ్‌లు మొత్తం ఏఐఎఫ్‌ల కట్టుబాట్లలో దాదాపు 80 శాతం బాధ్యత వహిస్తున్నాయని నివేదికలు స్పష్టం చేస్తున్నాయి.
పెట్టుబడి సురక్షితంగా ఉన్నందున రియల్ ఎస్టేట్‌లో ఏఐఎఫ్‌ల పెట్టుబడి ఎక్కువగా ఉందని నిపుణులు చెబుతున్నారు. రియల్ ఎస్టేట్-కేంద్రీకృత ఏఐఎఫ్‌లలో కూడా చిన్న మొత్తాలను నింపడానికి పెట్టుబడిదారులకు సౌలభ్యం ఉందని పేర్కొంటున్నారు. రియల్ ఎస్టేట్-కేంద్రీకృత ఏఐఎఫ్ అయిన గోల్డెన్ గ్రోత్ ఫండ్ దేశ రాజధానిలో భూమిని కొనుగోలు చేయడానికి, రియల్ ఎస్టేట్ ప్రాజెక్టులను అభివృద్ధి చేయడానికి పెట్టుబడిదారుల నుండి రూ.400 కోట్లను సేకరించాలని యోచిస్తోంది.
మరిన్ని బిజినెస్ వార్తల కోసం ఇక్కడ క్లిక్ చేయండి